Putin buna görə Əliyevdən üzr istəyib — RUSİYANIN AÇIQLAMASI

news/2025_12_25/eliyev_put_1766677200.jpg

SİYASƏT

1838

25.12.2025, 19:37

Bu gün Azərbaycan Hava Yollarına (AZAL) məxsus sərnişin təyyarəsi ilə bağlı faciədən düz bir il keçir.

Teleqraf xəbər verir ki, bunu Rusiya Xarici İşlər Nazirliyinin sözçüsü Mariya Zaxarova deyib.

“Bu, bizim bölüşdüyümüz bir faciədir. Təyyarə qəzasında Rusiya, Azərbaycan və Qazaxıstan vətəndaşları həlak olub. Qırğızıstan vətəndaşları isə yaralanıb. Biz yaxınlarını itirənlərin hamısının ağrı və kədərini tam bölüşürük”, - o əlavə edib.

Zaxarova qeyd edib ki, dekabrın 24-də Qroznıda baş verən təyyarə qəzasının ildönümündə həmin faciə qurbanlarının xatirəsinə ucaldılmış abidənin açılış mərasimi keçirilib:

“Mərasimdə Çeçenistan Respublikasının rəhbərliyi və Azərbaycanın Rusiyadakı səfiri Rəhman Mustafayev iştirak edib. Abidənin üzərindəki təyyarənin təsviri üzərində “Təyyarə qəzasında həlak olanların əbədi xatirəsi. Adlarınız qəlbimizdə əbədi qalacaq” qeydi var”.

Həmçinin oxuyun

Nazirliyinin idarə rəisi vəzifəsindən azad edildi - FOTO

Hava xəbərdarlığı: Bu gecədən etibarən...

İranda getdikdə gərginləşən VƏZİYYƏT: Azərbaycana qaçqın axını gözlənilirmi? — Politoloqla MÜZAKİRƏ

Pensiya yaşı azaldılır? - Rəsmi cavab

Mariya Zaxarova AZAL-ın sərnişin təyyarəsinin vurulmasına görə Ukraynanı ittiham edib. O iddia edib ki, fəlakətin əsas səbəbi Ukraynanın Rusiyanın mülki infrastrukturuna PUA-lardan istifadə edərək terror hücumları olub.

“Hadisədən dərhal sonra Rusiya və Azərbaycan liderləri telefonla danışıblar. Daha sonra, 2024-cü il dekabrın 28-də Rusiya Prezidenti (Vladimir Putin) Azərbaycan Respublikasının Prezidenti (İlham Əliyev) ilə telefon danışığında ölkəmizin hava məkanında baş verən faciəli hadisəyə görə rəsmi olaraq üzr istəyib”, - o vurğulayıb.

Xatırladaq ki, Bakı-Qroznı marşrutu ilə uçan AZAL-a məxsus sərnişin təyyarəsi ötən il dekabrın 25-də Çeçenistanda Rusiyanın hava hücumundan müdafiə sisteminin hücumuna məruz qalıb. Bundan sonra Qroznı hava limanına enişinə icazə verilməyən və uçuş istiqaməti məcburi dəyişdirilən təyyarə Qazaxıstanın Aktau şəhərində yerə çırpılıb. Olay nəticəsində 38 nəfər həlak olub, 29 nəfər yaralanıb.