ABŞ bizimlə bağlı yekun qərarı verməyib - Zelenski
22 Noyabr 2026, 01:33
Qaynar xətt:
(+99450) 247 90 86
SİYASƏT
302
06.11.2024, 22:16
Donald Trampın yenidən ABŞ prezidenti seçilməsi birjalara da təsirsiz ötüşməyib. Seçki nəticələrindən təsirlənən birjalarda bondların, dolların, əsas səhmlərin və eləcə də “Bitcoin”in qiymətində artımlar qeydə alınıb. ABŞ bondları 4.5 faiz, dollar isə səbət valyutalara nisbətən 2.0 faiz güclənib. “Bitcoin”in qiyməti ilk dəfə olaraq 75 min dollaradək yüksəlib.
OXU24.COM xəbər verir ki, bunu deputat Vüqar Bayramov sosial şəbəkə hesabında bildirib.
V.Bayramov qeyd edib ki, ABŞ birjalarında pozitiv dəyişikliklərə rəğmən, digər aparıcı ölkə bazarlarında volatillik davam edib:
“Avro dollara nisbətən 2 faizə yaxın ucuzlaşıb. İnvestorlar Trampın ikinci prezidentlik dönəmində ABŞ-nin daxili bazarına yönəlik siyasətinin güclənəcəyini güman edirlər. Bu səhər 2 faizə yaxın dəyər qazanan S&P 500 indeksi məhz onun birinci prezidentliyi dövründə 70 faizə dəyər qazanmışdı.
Göründüyü kimi, ABŞ indekslərində artım fonunda digər aparıcı qlobal mərkəzlərin birjalarında xüsusi canlanmalar müşahidə edilmir. Bu isə, Trampın birinci prezidentlik dönəmindəki iqtisadi siyasəti davam etdirəcəyi ilə bağlı mesajlar ilə əlaqədərdir”.
Parlamentari bildirib ki, Trampın yenidən prezident seçilməsinin Azərbaycan ABŞ münasibətlərinə təsirlərinə gəldikdə isə ölkəmiz Birləşmiş Ştatlar ilə əməkdaşlıq ruhunda əlaqələrdə maraqlıdır:
“Bütövlükdə, Azərbaycan ərazi bütövlüyü və suverenliyə hörmət çərçivəsində digər dövlətlər ilə münasibətlərin güclənməsinə töhvə verir.
ABŞ-dəki son prezident seçkilərinin nəticələrinin Azərbaycan iqtisadiyyatı və eləcə də manata təsirlərinə gəldikdə isə, ölkəmizin əsas ticarət tərəfdaşı Avropa İttifaqı olduğundan bu tərəflər arasındakı ticarət dövriyyəsinə xüsusi təsir göstərməyəcək.
Bununla belə, dünya bazarında dolların səbət valyutalara nisbətən daha möhkəmlənməsi və enerji resurslarının qiymətinin azalacağı da istisna deyil. Amma ABŞ-Körfəz əməkdaşlığı da neftin qiymətinə xüsusi təsirlərə malik olacaq. Belə əməkdaşlıq birjalarda nefti potensial təsirlərdən qoruya bilər”.
10:51 / 22 Noyabr 2026
80
10:47 / 22 Noyabr 2026
83
10:38 / 22 Noyabr 2026
81
10:16 / 22 Noyabr 2026
423
09:15 / 22 Noyabr 2026
694
08:56 / 22 Noyabr 2026
292
01:34 / 22 Noyabr 2026
206
01:33 / 22 Noyabr 2026
177
23:53 / 21 Noyabr 2026
957
23:41 / 21 Noyabr 2026
312
23:11 / 21 Noyabr 2026
1666
23:00 / 21 Noyabr 2026
188
22:47 / 21 Noyabr 2026
569
22:32 / 21 Noyabr 2026
242
22:20 / 21 Noyabr 2026
743
22:02 / 21 Noyabr 2026
645
21:49 / 21 Noyabr 2026
204
21:32 / 21 Noyabr 2026
741
21:27 / 21 Noyabr 2026
221
21:20 / 21 Noyabr 2026
203
21:17 / 21 Noyabr 2026
1056
20:49 / 21 Noyabr 2026
1407
20:33 / 21 Noyabr 2026
251
© 2026 Oxu24.com Müəllif hüquqları qorunur.