Maliyyə yardımı alan media subyektlərinin veb-sayt və sosial şəbəkə hesablarının göstəriciləri ildə iki dəfə monitorinq olunacaq
20 Noyabr 2026, 12:52
Qaynar xətt:
(+99450) 247 90 86
REDAKTORUN SEÇİMİ
347
15.10.2024, 12:12
Ölkə qanunvericiliyinə görə, sosial müavinət kimi təyin edilən ödənişlərdən biri də dəfn üçün nəzərdə tutulandır.
“Qafqazinfo”nun məlumatına görə, bu müavinət müraciətetmə müddətindən asılı olmayaraq şəxsin ölümü ilə əlaqədar onun dəfn xərclərini çəkmiş şəxslərə ödənilir.
Bəs bu müavinət hər kəsə aiddirmi?
Qanunvericiliyə əsasən, məcburi dövlət sosial sığorta haqları hesabına dəfn üçün birdəfəlik sosial müavinət aşağıdakı şəxslər üçün verilir:
- Əmək pensiyaçıları;
- Ömürlük müavinət alan dövlət qulluqçuları;
- Yaşa görə müavinət alanlar;
- Əlilliyə görə müavinət alanlar;
- Ailə başçısını itirməyə görə müavinət alanlar;
- İşsizlikdən sığorta ödənişi alanlar;
- İşləyən və xeyrinə məcburi dövlət sosial sığorta ödənişi edilənlər;
- Aktiv VÖEN-i olmasına baxmayaraq, məcburi dövlət sosial sığorta haqları üzrə borcu olmayanlar.
Göründüyü kimi, dəfn pulu müavinəti geniş kateqoriyanı əhatə etsə də, heç də hamıya şamil deyil. Belə ki, məcburi dövlət sosial sığorta ödənişi etməyənlər, işləməyən və buna görə ödəniş almayanlar, həmçinin sahibkarlıq fəaliyyəti ilə məşğul olsalar da, məcburi dövlət sosial sığorta haqqına görə borcu olanlar üçün dəfn pulu ödənilmir.
Dəfn üçün müavinətin məbləği nə qədərdir?
Qanunla dəfn müavinətinin məbləği əmək pensiyaçıları üçün minimum pensiya məbləğinin 3 mislidir. Hazırda minimum pensiyanın 280 manat olmasını nəzərə alanda, bu məbləğ 840 manat təşkil edir. Digərləri üçün isə dəfn müavinətinin məbləği 500 manatdır.
Vəfat edən şəxs həm işləyən, həm də pensiyaçı olarsa, onun dəfni üçün müavinətlərdən biri (məbləği böyük olan) ödənilir.
Dünyasını dəyişən işləyənlər üçün dəfn müavinəti ilə yanaşı, işəgötürən tərəfindən işçinin orta aylıq əməkhaqqının 3 misli həcmində onun vərəsələrinə müavinət ödənilir.
Dəfn müavinətini almaq məqsədilə Əmək və Əhalinin Sosial Müdafiəsi Nazirliyinin tabeliyində Dövlət Sosial Müdafiə Fonduna və ya Dayanıqlı və Operativ Sosial Təminat Agentliyinə müraciət edilməlidir. Müavinət 10 gün müddətində ödənilir. Müavinətin təyin olunmasından imtina edildiyi halda isə 5 gün ərzində bu barədə məlumat verilir.
23:28 / 22 Noyabr 2026
1
23:26 / 22 Noyabr 2026
20
22:59 / 22 Noyabr 2026
185
22:36 / 22 Noyabr 2026
108
22:08 / 22 Noyabr 2026
740
21:14 / 22 Noyabr 2026
141
21:06 / 22 Noyabr 2026
150
20:56 / 22 Noyabr 2026
1300
20:30 / 22 Noyabr 2026
480
19:33 / 22 Noyabr 2026
1032
19:20 / 22 Noyabr 2026
155
19:05 / 22 Noyabr 2026
1336
18:54 / 22 Noyabr 2026
141
18:49 / 22 Noyabr 2026
175
18:21 / 22 Noyabr 2026
459
18:16 / 22 Noyabr 2026
212
18:02 / 22 Noyabr 2026
178
17:59 / 22 Noyabr 2026
165
16:38 / 22 Noyabr 2026
234
16:29 / 22 Noyabr 2026
173
16:18 / 22 Noyabr 2026
2800
16:00 / 22 Noyabr 2026
274
14:27 / 22 Noyabr 2026
194
© 2026 Oxu24.com Müəllif hüquqları qorunur.