Hər gün qəbul etdiyimiz "ZƏHƏR": Qocalmağımızın əsl səbəbi məlum oldu  

İnsanlıq tarix boyu qocalmanı yavaşlatmağın və gəncliyi qorumağın yollarını axtarıb. Bu gün də alimlər bu istiqamətdə çoxsaylı araşdırmalar aparırlar. Lakin son elmi yanaşmalar göstərir ki, qocalma prosesini tamamilə dayandırmaq qeyri-mümkündür. Bunun ən böyük səbəbi isə bizi yaşadan əsas ünsürün, həm də bizi yavaş-yavaş məhv etməsidir. Söhbət hər saniyə nəfəs aldığımız oksigendən gedir.

İnsan doğulduğu andan etibarən nəfəs almağa başlayır. Oksigen hüceyrələrimizə daxil olaraq bədənin ehtiyac duyduğu enerjini istehsal etməyə imkan verir. Lakin bu enerji istehsalı zamanı bədəndə "sərbəst radikallar" adlanan zərərli məhsullar əmələ gəlir.

Oxu24.com-un məlumatına görə, qeyri-sabit molekullar olan bu sərbəst radikallar qarşılarına çıxan hər şeyi zədələyirlər. Bura daxildir:

•DNT strukturumuz

•Zülallar

•Hüceyrə divarları

Zaman keçdikcə bədəndə bu zədələnmələr toplanır. Nəticədə dəri elastikliyini itirir, daxili orqanlar daha zəif işləyir, əzələlər gücsüzləşir və yaddaş solmağa başlayır. Tibbi dildə biz buna "qocalma" desək də, əslində bu proses bədənimizin daxildən yavaş-yavaş oksidləşməsidir. Bu, eynilə açıq havada qalan dəmirin paslanması prosesinə bənzəyir, sadəcə olaraq insan bədəninin içərisində baş verir.

Vakuumda yaşamaq mümkündürmü?

Əgər bir orqanizmi oksigensiz, vakuum mühitinə yerləşdirsək, bu oksidləşmə və dağılma prosesi dayana bilər. Məsələn, konserv məhsullarının uzun müddət xarab olmadan qalması məhz bu prinsiplə – oksigensiz mühitdə bakteriyaların çoxala bilməməsi ilə bağlıdır. Lakin insanlar üçün oksigensiz yaşamaq qeyri-mümkün olduğundan, biz sağ qalmaq üçün daim bizi məhv edən oksigeni qəbul etməyə məcburuq.

Təkamülün əsl məqsədi nədir?

Bizim bioloji proqramımız uzunömürlü olmaq üzərinə qurulmayıb. Çünki təkamülün əsas məqsədi gəncliyi əbədi qorumaq deyil, sadəcə genləri növbəti nəslə ötürməkdir. Hər bir hüceyrənin öz istismar müddəti var və bu müddət bitdikcə immun sistemimiz zəifləyir. Hətta zamanla bədənimiz öz mutasiyaya uğramış hüceyrələrinə qarşı da mübarizə apara bilmir.

Nəticə etibarilə, həyatın ən böyük paradoksu elə buradadır: Hər aldığımız nəfəs bizə həyat bəxş etdiyi kimi, bizi ölümə və qocalığa bir addım da yaxınlaşdırır.

Çimnaz

Həmçinin oxuyun

Güclü külək olacaq -XƏBƏRDARLIQ

Üzücü xəbər:Xalq şairi  süni tənəffüs aparatına qoşulub

Dənizdə batan şəxs görün kim İMİŞ -FOTO

İlham Əliyev təbrik məktubu göndərdi