Azərbaycanın  ilk qadın naziri kim olub? - MARAQLI DOSYE

Bu dəfə haqqında bəhs edəcəyimiz xanım  bir müddət  nazir postunu tutub.

Söhbət  Lidiya Rəsulovadan gedir.O,1988-1993 illərdə Azərbaycanın sosial təminat naziri və 1993-1997 illərdə təhsil naziri vəzifələrində çalışıb.

Oxu24.com  xəbər verir  ki,Lidiya Rəsulova 1941-ci il dekabr ayının 4-də Bakı şəhərinin Sabunçu rayonunda, neftçi ailəsində doğulub.

O, Xudat Rəsulov və Məhbubə Rəsulovanın 7 övladından biri olub.

Həmçinin oxuyun

SON DƏQİQƏ! Netanyahu İranla bağlı həmin xəbəri AÇIQLADI

Dənizdə çimərkən yoxa çıxan baş nazir KİMDİR? - MARAQLI FAKT +FOTO

Evinə çıxarış almaq istəyənlərə ŞAD XƏBƏR: Rəsmi qərar verildi

DTX Prezidentin ailəsini şantaj edən şəxsi saxlayıb  -VİDEO

1959-cu ildə Bakıda 45 saylı orta məktəbi qızıl medalla bitirən Rəsulova Mirzə Fətəli Axundov adına Azərbaycan Pedaqoji Dillər İnstitutuna daxil olub, 1965-ci ildə universiteti rus dili və ədəbiyyatı müəllimliyi ixtisası üzrə bitirib.

O, əmək fəaliyyətinə 1958-ci ildə Bakının ümumtəhsil və məktəbdənkənar tədris müəssisələrində başlayıb. 1963-1966-cü illərdə sekçili gənclər təşkilatlarında, 1966-1981-ci illərdə partiya və sovet orqanlarında müxtəlif vəzifələrdə çalışıb.

L.Rəsulova 1964-1965-ci illərdən 1971-ci ilə qədər Lenin rayonu (indiki Sabunçu rayonu) partiya komitəsinin təbliğat və təşviqat şöbəsinin müdiri, 1971-ci ildən isə Azərbaycan Kommmunist Partiyası Mərkəzi Komitəsinin (AKP MK) elm və təhsil şöbəsinin müdiri vəzifəsini icra edib.1973-cü ildə MK-nın elm və təhsil şöbəsinin müdiri təyin edilib.

1975-ci ilin 25 dekabrında etibarən 5 il Nəsimi rayon partiya komitəsinin birinci katibi vəzifəsini yerinə yetirib.Burada işlədiyi dövrdə AKP MK-nın birinci katibi Heydər Əliyev tərəfindən Rəsulovanın MK-nın Təftiş komissiyasının sədri vəzifəsinə namizədliyi irəli sürülüb.1981–1988-ci illərdə Azərbaycan Respublikası Həmkarlar İttifaqları Şurasının sədri olub.1988–1992-ci illərdə Azərbaycan Respublikasının sosial təminat naziri olmuş, daha sonra Azərbaycan Respublikası Dövlət Elm və Texnika Komitəsi sədrinin müavini, 1993-cü ildən etibarən Azərbaycan Respublikasının təhsil naziri işləmişdir. Səhhətində yaranmış problemlərlə əlaqədar 1997-ci ildə təhsil naziri vəzifəsindən azad olunan Lidiya Rəsulova bir neçə çağırış SSRİ və Azərbaycan Ali Sovetinin deputatı seçilib.

Lidiya Rəsulova bir çox orden və medallarla təltif edilib, dövlət quruculuğunda fəal iştirakına görə Azərbaycan Respublikasının ali mükafatı olan "Şöhrət" ordeninə layiq görülüb. 2002-ci ildən prezident təqaüdçüsü olub.Lidiya Xudat qızı Rəsulova 2012-ci il fevralın 5-də vəfat edib.

2023-cü ildə tanınmış ictimai-siyasi xadim Lidiya Rəsulovaya həsr olunan və Dilarə Rüstəmin müəllifi olduğu "Tarixə yazılmış ömür" kitabı işıq üzü görüb...

Hazırladı: Tarixçi Namiq Həsənov