21 milyonluq “Sonar Farm” qalmaqalı - şərikin payı necə 300 min manata “əridi”?

KRİMİNAL

722

06.01.2026, 15:20

Xəbərlərimizi Google-da izləyin

Yeniliklərdən dərhal xəbərdar olun

Bir neçə gün ictimaiyyətin diqqəti ciddi bir biznes qalmaqalına yönəldi. Söhbət hazırda Ədliyyə Nazirliyinin Penitensiar Xidmətinin 10 saylı Cəzaçəkmə Müəssisəsində saxlanılan Elnur Qayıbverdi oğlu İsgəndərovun üzləşdiyi iddia edilən haqsızlıqdan gedir.

Oxu24.com Musavat.com -a istinadən xəbər verir ki, Elnur İsgəndərov Binəqədi Rayon Polis İdarəsinə rəsmi şikayət ünvanlayıb.

Şikayətdə qeyd olunur ki, Elnur İsgəndərovun 50 faiz pay sahibi olduğu “Sonar Farm” MMC hədə-qorxu yolu ilə əlindən alınıb. Onun şəriki Mahirə Əsədovanın şikayəti üzrə hüquq-mühafizə orqanlarına geniş sübut bazası təqdim edilib:

“Səs yazıları, görüntülər, yazılı materiallar, şahid ifadələri təqdim olunub. Həmin materiallar əsasında araşdırma aparıldığı bildirilsə də, vəkilin iddiasına görə, indiyədək cinayət işi başlanmayıb. Məhz bu vəziyyət, vəkilin sözlərinə görə, artıq adların açıqlanmasını zəruri edir”.

Elnur İsgəndərovun 21 milyon manatlıq aktivə malik “Sonar Farm” MMC-si faktiki olaraq 300 min manat qarşılığında başqa şəxsin adına keçirilib. Belə məlum olur ki, həmin şəxs Robert Eyyubovdur.

Məsələnin diqqətçəkən tərəflərindən biri də budur ki, şirkətin digər 50 faiz pay sahibi Mahirə Əsədova da bu prosesdən xəbərsiz olub. Mahirə Əsədova MMC-də pay sahibi olduğunu təsdiqləyən bütün sənədləri Binəqədi Rayon Polis İdarəsinə təqdim edib:

“İnvestisiya qoyuluşlarını sübut edən materiallar, şirkətin Robertin adına keçirilməsi zamanı aparılan alqı-satqı proseslərindən xəbəri olmaması da müraciətində var”.

Mahirə Əsədovanın fikrincə, bu faktlar sahibkarlıq hüquqlarının kobud şəkildə pozulmasıdır və araşdırma obyektiv aparılarsa, ciddi hüquqi nəticələr doğura bilər.

Mahirə Əsədova deyib ki, yaxın günlərdə ölkə rəhbərliyinə rəsmi müraciət ünvanlamaqla “Sonar Farm” MMC ətrafında baş verənləri, pay sahiblərinin iradəsi olmadan aparılan əməliyyatları ətraflı şəkildə göstərəcək.

Həmçinin oxuyun