Sürücülərin Nəzərinə: SMS Radardakı o bənd həyatınızı qaralda bilər! – Vəkildən   XƏBƏRDARLIQ  

“SMS Radar" proqramına gələn bildirişlər artıq sadəcə cərimə xəbərçisi deyil, sürücülük hüququnuzun itirilməsinə gedən yolun başlanğıcı ola bilər. Çox vaxt cəriməni ödəməklə hər şeyin bitdiyini düşünürük, lakin reallıq tam başqadır. Bəzən başqasının səhvi, bəzən isə sistem xətası ucbatından İnzibati Xətalar Məcəlləsinin 529.3-cü maddəsi bir "kabusa" çevrilir. Cəriməni ödəsəniz belə, proqramdan silinməyən o tənbeh qərarı avtomobilinizlə bağlı bütün əməliyyatları bloklayır və ən pisi  sürücülük vəsiqənizin məhdudlaşdırılması ilə nəticələnir. 

Bəs ödənilmiş cərimə niyə sistemdən silinmir? Etibarnamə ilə maşın sürənləri hansı təhlükə gözləyir? “Oxu24.com”a danışan vəkil Elvin Səfərov, minlərlə sürücünün çarəsiz qaldığı bu "hüquqi tələ"dən qurtulmağın yollarını açıqlayır. Əgər siz də 529.3 maddəsinin qurbanına çevrilmisinizsə, bu müsahibəni oxumadan sükan arxasına əyləşməyin!

“Avtomobil idarə edən vətəndaşlarımızın əksəriyyətinin telefonunda “SMS Radar” proqramı yüklənib. Və həmin o proqram vasitəsilə onlara tətbiq olunan cərimələr, inzibati tənbehlərlə tanış olurlar. 

Bəzən olur ki, həmin cərimələrin ödənilməsi müddəti ya sizin, ya da başqasının ucbatından gecikdirilmiş olur. Yaxud da sonuncu etibarnamə kimin adındadırsa, həmin şəxsin adına əsassız cərimələr yazılır. Və beləliklə sizin o “SMS Radar” proqramında tanış olduğunuz İnzibati Xətalar Məcəlləsinin 529.3 bəndinə, əsasən, “İnzibati tənbeh edilmisiniz” məlumatı olur. Və bu həmin cərimələr ödənildikdən sonra belə həmin tənbehlər “SMS Radar” proqramından silinmir. Və siz avtomobilinizlə bağlı heç bir əməliyyat apara bilmirsiniz. Sizin ümumiyyətlə, nəticədə sizin sürücülük vəsiqənizin müəyyən müddətdə məhdudlaşdırılması ilə nəticələnir. 

Həmçinin oxuyun

25 martda bizi nələr gözləyir? - ULDUZ FALI

Pensiya stajı ilə bağlı mühüm XƏBƏR: 2006-CI İL YANVARIN 1-DƏK...

TƏCİLİ! Tramp dünyanın İranla bağlı gözlədiyi xəbəri AÇIQLADI

Kuryerlərə vacib xəbər: Kartın 26-dan etibarən  (VİDEO)

Əgər yalnız İnzibati Xətalar Məcəlləsinin 529.3 maddəsinin inzibati tənbeh tətbiq olunması barədə problemlə üzləşmisinizsə, müraciət edin kömək edək”. 

Çimnaz Telmanqızı