Karapetyanın Rusiyadakı biznesi TƏHLÜKƏDƏ 

Moskvanın laborator diaqnostika bazarında baş verən proseslər son dövrlərdə səhiyyə müəssisələrinin rəhbərləri və laboratoriya mütəxəssisləri arasında ciddi narahatlıq yaradıb. İddialara görə, söhbət təkcə təchizatçının dəyişdirilməsindən deyil, laboratoriya sisteminə – sınaq şüşələrindən tutmuş mürəkkəb avadanlıqlara qədər – tam nəzarəti ələ keçirməyə yönəlmiş genişmiqyaslı prosesdən gedir.

Oxu24.com Musavat.com-a istinadən verdiyi xəbərə görə,  dövlət tibb müəssisələrinə sistemli şəkildə daxil olma, reagent və laboratoriya sərfiyyat materialları bazarının aqressiv şəkildə yenidən bölüşdürülməsi adi kommersiya rəqabətini aşaraq siyasi çalarlar da qazanıb.

İddiaların mərkəzində "Taşir MEDİKA" ilə əlaqələndirilən "QALEN" QSC dayanır. Şirkətin "Taşir" holdinqinin tibbi istiqaməti ilə bağlı olduğu bildirilir. Holdinqin təsisçisi Samvel Karapetyan uzun illər Rusiyada iri biznesmen kimi tanınıb, son dövrlərdə isə Ermənistan siyasətində də fəal iştirak edir.

Məqalədə iddia olunur ki, "QALEN"in nümayəndələri Yuri Kuzmin, Nikolay Şum və Dmitri Şevçenko, eləcə də onlarla əlaqələndirilən "Applab", "Sample Lab", "Medanko", "Lemma" və "Evalab" şirkətlərinin təmsilçiləri Moskva və vilayət xəstəxanalarında rəhbərlərlə görüşlər keçirirlər. Bildirilir ki, həmin görüşlərdə laboratoriya təchizatçılarının dəyişdirilməsinin artıq qərara alındığı, yuxarı instansiyalarla razılaşmaların əldə olunduğu və buna qarşı çıxmağın mənasız olduğu vurğulanır.

Rusiya mediasının yazdığına görə, bəzi tibb müəssisələrinin nümayəndələri rəhbərlik üzərində təzyiq göstərildiyini, hətta razılaşmayan şəxslərə qarşı kadr dəyişiklikləri ilə bağlı eyhamlar vurulduğunu iddia edirlər. Bu səbəbdən alternativ təchizatçılarla əməkdaşlıq riskli hesab olunur.

Məqalədə Samvel Karapetyanın siyasi fəaliyyəti də diqqətə çatdırılır. Bildirilir ki, o, 2025-ci ilin iyulunda Ermənistanda öz siyasi hərəkatını yaratdığını elan edib, 2026-cı ilin iyununda isə "Güclü Ermənistan" bloku parlament seçkilərində iştirak edib. Həmçinin qeyd olunur ki, seçkilər ərəfəsində Karapetyan Rusiya vətəndaşlığından imtina etdiyini açıqlayıb.

Daha sonra belə ehtimal irəli sürür ki, əgər "Taşir" Moskvanın dövlət səhiyyə sistemində laborator diaqnostika bazarında dominant mövqe əldə edərsə, bu sahədən əldə olunan maliyyə resurslarının bir hissəsi Karapetyanın Ermənistanda həyata keçirdiyi sosial və siyasi layihələrin maliyyələşdirilməsinə yönələ bilər. Söhbət məktəblər, xəstəxanalar, kilsələr və digər ictimai layihələrdən gedir.

Həmçinin oxuyun

Prezidentin nazir müavini təyin etdiyi şəxs kimdir? - DOSYE  

Bu şəxslərə şad xəbər:10% məbləğ geri qaytarılacaq

SON DƏQİQƏ! Prezident yüksək vəzifəyə təyinat etdi

Azərbaycanda pensiya yaşı ilə bağlı mühüm AÇIQLAMA