“Google”a şok ittiham - “Valideynlər maneə kimi təqdim olunur”

“Google” 13 yaşına çatmaq üzrə olan uşaqlara göndərdiyi elektron məktublara görə “uşaqları manipulyasiya etməkdə” və valideyn səlahiyyətlərini zəiflətməkdə ittiham edilib.

Oxu24.com  xəbər verir ki, sözügedən məktublarda uşaqlara valideyn nəzarətini necə söndürə biləcəkləri barədə məlumat verildiyi bildirilir.

Mübahisə ABŞ-də fəaliyyət göstərən onlayn təhlükəsizlik təşkilatı – Rəqəmsal Uşaqlıq İnstitutunun prezidenti Melissa Makkeyin 12 yaşlı oğlunun aldığı elektron məktubu paylaşmasından sonra başlayıb.

“Google”dan göndərilən məktubda deyilir: “Ad günün yaxınlaşır. 13 yaşına çatdıqda hesabını yeniləyərək, daha çox tətbiq və xidmətə çıxış əldə edə bilərsən”.

Makkey bildirib ki, məktubda valideyn razılığı olmadan nəzarəti aradan qaldırmağa yönəlmiş keçidlər yer alıb. O, texnologiya nəhəngini sərt tənqid edib:

Həmçinin oxuyun

Rəsmi siyahı yayıldı   —  Bu tanınmış şəxslərin adları var

 İlham Əliyevin mətbuat xidməti AÇIQLAMA YAYDI

Bu halda pensiyasız QALA BİLƏRSİNİZ!— VƏKİL AÇIQLADI

Saleh Məmmədov dövlətin 1 milyardını talayıb - Şok 

“Trilyon dollarlıq bir şirkət uşaqlara birbaşa müraciət edərək, onları valideyn nəzarətindən “məzun olmağa” hazır olduqlarına inandırır. “Google” valideynləri aradan qaldırılması lazım olan müvəqqəti maneə, öz platformalarını isə standart seçim kimi təqdim edir. Bu, uşaqların məlumat və mənfəət naminə manipulyasiya edilməsidir”.

Böyük Britaniyanın uşaqların müdafiəsi üzrə aparıcı qurumu NSPCC də xəbərdarlıq edərək bildirib ki, uşaqlara bu cür qərarları təkbaşına vermək hüququnun tanınması onları yanlış məlumatlara və riskli rəqəmsal mühitlərə qarşı daha həssas edə bilər.

Artan reaksiyalardan sonra “Google” nəzarət olunan hesablarla bağlı siyasətini dəyişəcəyini açıqlayıb. Şirkətin Məxfilik və Təhlükəsizlik üzrə rəhbəri Keyt Şarletin sözlərinə görə, 13 yaşına çatan uşaqlar valideyn nəzarətini söndürmək üçün artıq rəsmi valideyn razılığı almalı olacaqlar.

Şirkət bildirib ki, bu dəyişiklik qərarların ailə daxilində birgə şəkildə verilməsini təşviq edəcək və həm valideynlər, həm də yeniyetmələr özlərini hazır hiss edənədək nəzarət mexanizmləri qüvvədə qalacaq.