Hərbi ekspert:"ABŞ bu gündən sonra nəinki İrana, istədiyi ölkəyə girə bilər"

$Hərbi ekspert:\"ABŞ bu gündən sonra nəinki İrana, istədiyi ölkəyə girə bilər\"$

DÜNYA

1325

07.01.2026, 15:12

Xəbərlərimizi Google-da izləyin

Yeniliklərdən dərhal xəbərdar olun

İsrail mediası məlumat yayıb ki, ABŞ onlarla hava yanacaqdoldurma təyyarəsi və ağır hərbi nəqliyyat təyyarəsi olan C-5 və C-17 “Globemaster”in Yaxın Şərqə genişmiqyaslı yerləşdirilməsinə başlayıb.

Uzun zamandır ABŞ-ın İrana hərbi müdaxilə edəcəyi ilə bağlı xəbərlər yayılmaqdadır. Amma bu xəbərlər öz təsdiqini hələki tapmayıb. Amma dünya ictimaiyyəti hələ də çaş-baş vəziyyətdə qalıb:Görəsən, ABŞ Venesuelaya etdiyi hərbi müdaxilənin eynisini İrana başladacaqmı?

Oxu24.com-un suallarını cavablandıran hərbi ekspert, polkovnik Elmar Hüseynov bildirib ki, ABŞ-ın Venesuela hücumuna qarşı çıxan, bununla bağlı ABŞ administrasiyasını beynəlxalq məhkəməyə şikayət edən olmadığı üçün istənilən ölkə üçün bu hücum real ola bilər: Xüsusən, hazırda 27 vilayalətdə, ümumilikdə bütöv İranda baş verən genişmiqyaslı etirazlar fonunda bu daha realdır.

1979-cu ildə devrilmiş İran şahı Məhəmməd Rza Pəhləvinin oğlu Rza Pəhləvi də bu ixtişaşlardan istifadə edərək İran vətəndaşlarına müraciət edib, onları dirəniş göstərməyi tövsiyyə edib. Bildirib ki, rejimin sonu qaçılmazdır:”İran xalqı üçün indi ayağa qalxma zamanıdır. Biz demokratik keçid prosesinə hazırıq”.

ABŞ-da məskunlaşmış sabiq şah oğlunun İran silahlı qüvvələrə müraciət edərək , xalqa atəş açmamağı tövsiyyə etməsi də ABŞ-ın yaxın günlərdə İrana hərbi müdaxiləsinə güman yeri yaradır.

Xatırladaq ki, ABŞ prezidenti Donald Tramp Venesueladan sonra Meksika, Danimarka, Kolumbiya və Kubanın hədəfə alıb.İranın hədəfə alınması isə ötən ilin yanvarından gündəmdədir.

Əntiqə Rəşid

Həmçinin oxuyun