Qaynar xətt:

(+99450) 247 90 86

Dünyanın danışdığı selfi: Maduro da…(FOTO)

news/2026_01_06/selfi_1767713459.jpg

DÜNYA

169

06.01.2026, 19:38

Cənubi Koreya prezidenti Li Çje Men Çin səfəri, sosial mediada paylaşdığı bir selfi və həmin fotonun çəkildiyi telefonla dünya gündəminə oturub. 

Oxu24.com  xəbər verir ki, Li Çin lideri Si Szinpin ilə çəkdiyi selfini paylaşarkən, cihazın Si tərəfindən hədiyyə edildiyi və əvvəllər "casusluq" zarafatlarına səbəb olduğu diqqət çəkib. 

Dünən Pekində keçirilən görüş zamanı Li və Si həyat yoldaşlarının da olduğu selfini X platformasında izləyiciləri ilə paylaşıb. Cənubi Koreya Prezident Ofisi Si Szinpinin həmkarının fotoqrafik bacarıqlarını təriflədiyi anları əks etdirən qısa videonu "YouTube" vasitəsilə yayımlayıb.

 

Selfini maraqlı edən əsas detal istifadə olunan telefonun hekayəsidir. Noyabr ayında Cənubi Koreyada keçirilən APEC zirvəsində Si Szinpin bu telefonu Liyə hədiyyə etmişdi.

Telefonun təhlükəsizliyi ilə bağlı söhbət zamanı Li xəttin təhlükəsiz olub-olmadığını soruşmuş, Si isə gözlənilməz bir zarafatla "İçində bir arxa qapı olub-olmadığını yoxla" deyə cavab vermişdi.

Linin paylaşımı qısa zamanda minlərlə şərh alıb. Bir istifadəçi ABŞ əməliyyatı ilə həbs olunmuş Venesuela liderinə işarə edərək "Nikolas Maduro da eyni telefonu istifadə edirdi" deyə şərh yazıb.Qaynarinfo