Orban Macarıstanı fövqəladə vəziyyətdə saxlayır

2025/02/19/1739975521_270123-macaristan-bas-naziri-viktor-orban.jpg

DÜNYA

483

21.10.2025, 17:05

Macarıstan parlamenti Rusiya-Ukrayna müharibəsi səbəbindən fövqəladə vəziyyət rejimini altı ay uzadıb.

Oxu24.com xəbər verir ki, qanun layihəsinin lehinə 127 deputat, əleyhinə isə 56 deputat səs verib.

Fövqəladə vəziyyət Macarıstan hökumətinə və baş nazirinə parlament prosedurlarından yan keçməklə, fərman və qərarlar vasitəsilə operativ qərarlar qəbul etməyə imkan verir.

Sənədi, əvvəllər olduğu kimi, hakim Fides-Macar Vətəndaş Birliyi partiyasının üzvləri və onların Xristian Demokratlardan olan müttəfiqləri dəstəkləyib, müxalifət üzvləri isə uzadılmasını tənqid ediblər.

2022-ci ilin mayında Rusiyanın Ukraynaya təcavüzü başlayandan sonra hökumət 180 gün müddətinə fövqəladə vəziyyət elan edib və o vaxtdan bu rejimi altı dəfə uzadıb.

Həmçinin oxuyun

Pensiya ilə bağlı VACİB XƏBƏR

Toyuq ətinin rəngi nəyi göstərir? - VACİB MƏLUMAT

Vəkil Esmira Rzayeva: Penitensiar Xidmət müstəqil status ala bilər

Prezidentdən deputatın oğlu ilə bağlı SƏRƏNCAM

Parlament üzvləri qarşısında çıxış edən Macarıstanın ədliyyə katibi Robert Repaşi qeyd edib ki, Rusiya ilə Ukrayna arasında müharibə üç ildən artıqdır ki, davam edir və Macarıstandakı vəziyyətə mənfi təsir göstərməkdə davam edir.

“Onun mənfi nəticələri bizim gündəlik həyatımızın bir hissəsinə çevrilib və bu, xüsusi hüquqi nizam-intizamın saxlanmasının əsasını açıq şəkildə nümayiş etdirir”, - deyə o, izah edib.

R.Repaşi vurğulayıb ki, hökumət fövqəladə vəziyyətin gələn il mayın 13-dək uzadılmasını zəruri hesab edir, bu isə o deməkdir ki, 2026-cı ilin aprelinə təyin edilmiş parlament seçkiləri xüsusi qanunvericiliyə uyğun keçiriləcək.

Bu sərəncam ilk dəfə 2020-ci ildə COVID-19 pandemiyası fonunda təqdim edilib və Nazirlər Kabinetinə ölkəni idarə etmək üçün genişləndirilmiş səlahiyyətlər verilib və dərhal müxalifət və Aİ liderlərinin tənqidinə tuş gəlib. Vəzifə səlahiyyətlərindən sui-istifadə ittihamlarına baxmayaraq, fövqəladə vəziyyətlə bağlı qanun pozuntusu qeydə alınmayıb.

Nigar