Misir kəşfiyyatının rəhbəri və Trampın nümayəndələri Netanyahu ilə görüşdü

DÜNYA

485

21.10.2025, 15:28

İsrailin baş naziri Benyamin Netanyahu Qüdsdə Misir kəşfiyyatının rəhbəri Həsən Mahmud Rəşad ilə görüşərək ABŞ prezidenti Donald Trampın Qəzza sülh planının həyata keçirilməsi, ikitərəfli münasibətlərin gücləndirilməsi və regionu müzakirə edib.

Oxu24.com xəbər verir ki, bu barədə İsrailin baş nazirinin dəftərxanası məlumat yayıb.

“Baş nazir Benyamin Netanyahu və onun mütəxəssis komandası Qüdsdəki baş nazirin ofisində Misir kəşfiyyatının rəhbəri ilə görüşüb”, - deyə məlumatda bildirilir.

Baş nazirin ofisi əlavə edib ki, tərəflər “ABŞ prezidenti Trampın Qəzza sülh planının irəlilədilməsi, İsrail-Misir münasibətləri, iki ölkə arasında sülhün möhkəmləndirilməsi və regional məsələləri” müzakirə ediblər.

İsrail mediası daha əvvəl Misir kəşfiyyatının rəhbəri Həsən Rəşadın İsrailin baş naziri Benyamin Netanyahu, Şin Bet rəhbəri David Zini və müdafiə naziri İsrael Katz ilə görüşəcəyini bildirmişdi.

Həmçinin oxuyun

Pensiya ilə bağlı VACİB XƏBƏR

Toyuq ətinin rəngi nəyi göstərir? - VACİB MƏLUMAT

Vəkil Esmira Rzayeva: Penitensiar Xidmət müstəqil status ala bilər

Prezidentdən deputatın oğlu ilə bağlı SƏRƏNCAM

Həsən Rəşadın hazırda İsraildə olan Vaşinqton nümayəndələri - vitse-prezident J.D.Vens, xüsusi elçi Stiv Vitkoff və ABŞ prezidentinin baş müşaviri Cared Kuşnerlə də görüşü gözlənilir.

Rəsmi mənbələrə görə, Həsən Rəşadın İsrailə səfəri zamanı əsas müzakirə mövzusu Qəzza zolağının müharibədən sonrakı bərpası, eləcə də ölən girovların cəsədlərinin çıxarılması səyləri olacaq.

İsrail mediasının məlumatına görə, ABŞ-ın vitse-prezidenti Ceyms Devid Vensi daşıyan ABŞ Hərbi Hava Qüvvələri 2 daha əvvəl Ben Qurion Beynəlxalq Hava Limanına enib. O, İsrailin baş naziri Binyamin Netanyahu və digər rəsmi şəxslərlə görüşmək üçün İsrailə gəlib.

İsrail mətbuatının məlumatına görə, Vance İsrail baş nazirinin razılaşmanın irəliləyişinə dair hərəkətlərinə nəzarət edəcək. Tramp administrasiyası HƏMAS-ın razılaşmanın birinci mərhələsinin şərtlərinə əməl etməməsi səbəbindən İsrailin Qəzza zolağında aktiv əməliyyatları bərpa edəcəyindən ehtiyat edir.

Nigar