Türkiyədə 4,3 bal gücündə zəlzələ baş verib
17 Noyabr 2026, 21:38
Qaynar xətt:
(+99450) 247 90 86
DÜNYA
342
02.06.2025, 19:42
Səudiyyə Ərəbistanı Daxili İşlər Nazirliyi “icazəsiz Həcc”ə qarşı aparılan yoxlamalar çərçivəsində 75 mindən çox insanın Həcc qaydalarını pozduqları üçün geri göndərildiyini açıqlayıb.
Oxu24.com xəbər verir ki, Səudiyyə Ərəbistanının rəsmi xəbər agentliyi SPA-nın məlumatına görə, Daxili İşlər Nazirliyinin İctimai Təhlükəsizlik Müdiri, general-leytenant Məhəmməd əl-Bəssami Məkkədə mətbuat konfransı keçirib.
Bassami, yaşayış icazəsi olan, lakin Həcc sənədi olmayan təxminən 270 min insanın Məkkəyə buraxılmadığını bildirib və 75 min 943 nəfərin Həcc qaydalarını pozduğu üçün geri göndərildiyini qeyd edib.
Bassami həmçinin 252 saxta Həcc təşkilatı, 1239 qeyri-qanuni daşıyıcı və 109 mindən çox icazəsiz nəqliyyat vasitəsi aşkar etdiklərini bildirib.
Səlahiyyətlilər, builki Həcc dövründə təhlükəsizliyi təmin etmək üçün pilotsuz uçuş aparatları, süni intellekt dəstəkli analiz sistemləri və müşahidə kameraları da daxil olmaqla qabaqcıl texnologiya sistemlərinin istifadəyə verildiyini açıqlayıb.
Dövlət Təhlükəsizliyi Prezidentliyinin Xüsusi Təyinatlı Qüvvələrinin komandanı general-leytenant Məhəmməd əl-Umri müqəddəs yerlərə icazəsiz girişin qarşısını almaq və izdihamın təhlükəsiz idarə olunmasını təmin etmək üçün bu il sahədə ətraflı planların həyata keçirildiyini bildirib. Mülki Müdafiə Baş direktoru general-mayor Hamud əl-Ferc bu il ilk dəfə olaraq yanğınsöndürmə və xilasetmə missiyaları üçün "Səkr (Həcc)" adlı xüsusi pilotsuz təyyarələrdən istifadə ediləcəyini açıqlayıb.
Pasportlar Departamentinin Baş direktoru general-mayor Salih əl-Murabba 2025-ci il həcc mövsümü öncəsi xaricdən gələn həcc namizədlərinin sayının indiyədək 1 milyon 475 mini keçdiyini açıqlayıb. Səudiyyə Ərəbistanı Kral Salmanın xüsusi qonaq proqramı çərçivəsində İordan çayının qərb sahilindən gələn ilk 500 nəfərlik zəvvar qrupunu, o cümlədən fələstinli şəhidlərin yaxınları, məhbuslar və yaralıları qarşılayıb. Proqram çərçivəsində ümumilikdə 1000 fələstinli zəvvar qəbul ediləcək.
Miri
12:03 / 18 Noyabr 2026
21
12:03 / 18 Noyabr 2026
375
11:49 / 18 Noyabr 2026
81
11:43 / 18 Noyabr 2026
56
11:39 / 18 Noyabr 2026
70
11:35 / 18 Noyabr 2026
76
11:32 / 18 Noyabr 2026
79
11:22 / 18 Noyabr 2026
351
11:19 / 18 Noyabr 2026
92
11:15 / 18 Noyabr 2026
77
11:13 / 18 Noyabr 2026
73
11:11 / 18 Noyabr 2026
495
11:08 / 18 Noyabr 2026
85
10:21 / 18 Noyabr 2026
93
10:18 / 18 Noyabr 2026
104
10:14 / 18 Noyabr 2026
102
10:01 / 18 Noyabr 2026
97
09:11 / 18 Noyabr 2026
111
08:32 / 18 Noyabr 2026
138
00:38 / 18 Noyabr 2026
168
23:54 / 17 Noyabr 2026
171
23:36 / 17 Noyabr 2026
204
23:10 / 17 Noyabr 2026
193
© 2026 Oxu24.com Müəllif hüquqları qorunur.