Anar Bayramov kütləvi ixtisarlara başlayır 

TƏBİB-in Səhiyyə Nazirliyi ilə birləşdirilməsi və Anar Bayramovun nazir təyinatı səhiyyə nazirliyi sistemində çalışan rəhbər şəxslərdə ciddi narahatlıq yaradıb.

Oxu24.com  xəbər verir ki, Bizimesr.info-ya daxil olan məlumata görə, uzun illərdir Səhiyyə Nazirliyinin tabeliyində fəaliyyət göstərən elmi-tədqiqat institutlarının və digər struktur bölmələrinin rəhbərləri mümkün kadr dəyişikliklərindən ciddi narahatlıq keçirirlər. Mənbənin bildirdiyinə görə, yaxın günlərdə nazirliyin tabeliyindəki bir sıra müəssisələrdə genişmiqyaslı yoxlamalara başlanılması gözlənilir. Yoxlamaların nəticəsindən asılı olaraq, demək olar ki, əksər institutların direktorlarının dəyişdirilməsi məsələsi gündəmdədir.

Məlumatlı mənbə bildirir ki, səhiyyə sistemində ciddi struktur və idarəetmə dəyişikliklərinin aparılması nəzərdə tutulur. İlkin yoxlamaların aşağıdakı qurumları əhatə edəcəyi iddia olunur:

Analitik Ekspertiza Mərkəzi;

Məhkəmə Psixiatrik Ekspertiza Mərkəzi;

İctimai Səhiyyə və İslahatlar Mərkəzi;

Səhiyyə Nazirliyinin Məhkəmə-Tibbi Ekspertiza və Patoloji Anatomiya Birliyi;

C. Abdullayev adına Elmi-Tədqiqat Kardiologiya İnstitutu;

Elmi-Tədqiqat Travmatologiya və Ortopediya İnstitutu;

K.Y. Fərəcova adına Elmi-Tədqiqat Pediatriya İnstitutu;

Elmi-Tədqiqat Ağciyər Xəstəlikləri İnstitutu.

Mənbənin sözlərinə görə, proses yalnız ayrı-ayrı institutlarla məhdudlaşmaya bilər. Nazirliyin tabeliyində fəaliyyət göstərən digər strukturların rəhbərlərinin də dəyişdirilməsi nəzərdən keçirilir. Burada diqqətçəkən məqam isə uzun illərdir eyni sistem daxilində fəaliyyət göstərən qurumların idarəetmə effektivliyi, maliyyə vəsaitlərinin istifadəsi, kadr siyasəti və göstərilən xidmətlərin keyfiyyəti ilə bağlı mümkün yoxlamaların hansı nəticələr verəcəyidir.

"Səhiyyə sistemində gözlənilən dəyişikliklərin məqsədi yalnız direktorların dəyişdirilməsi deyil, illərdir formalaşmış idarəetmə mexanizmlərinin yenidən nəzərdən keçirilməsidir" deyə məlumatda qeyd olunur.

Həmçinin oxuyun

Azərbaycanda koronavirus  təhlükəsi varmı? - HƏKİM DANIŞIR

Trampın Əliyevi  ABŞ-yə dəvəti Azərbaycana nə verəcək?  —  SİYASİ ŞƏRH

Azərbaycan milyonlarla gəlir qazanacaq - AÇIQLAMA

 Elm və Təhsil Nazirliyi yeni təyinatla bağlı MƏLUMAT YAYDI