“Məktəbdə hər kəs öz statusuna uyğun davranmalıdır” –Ekspertən MÜHÜM AÇIQLAMA  

Xəbər verdiyimiz kimi, Azərbaycanda ümumi təhsil məktəblərində şagird və müəllimlərin geyim forması ilə bağlı yeni qaydalar qəbul olunub. Nazirlər Kabinetinin müvafiq qərarına əsasən, təhsil müəssisələrində vahid geyim standartlarına əməl edilməsi məcburiləşdirilib.

Qərar aydın şəkildə göstərir ki, təhsilverənlər və təhsilalanlar tədris prosesinə yalnız müəyyən edilmiş vahid geyim formasında qoşulmalıdırlar. Şagirdlərin bu qaydalara, eləcə də makiyaj, uzun dırnaq, zinət əşyaları və qeyri-adi saç düzümü qadağalarına əməl etməsi sağlam tədris mühiti üçün son dərəcə vacibdir.

Bu qayda pozuntularının qarşısının alınması məktəbdə nizam-intizamın qorunmasına xidmət edir. Qaydaların tətbiqinin əsas üstünlüklərindən biri də məktəblərdə sosial bərabərliyin təmin olunmasıdır.

Maddi imkanları fərqli olan şagirdlərin eyni geyimdə təhsil alması onların arasında hər hansı bir ayrı-seçkiliyin yaranmasına imkan vermir. Eyni zamanda, müəllimlər də öz peşəkar nüfuzlarına uyğun geyim tərzinə malik olmalı və şagirdlərə nümunə göstərilməlidirlər. Bu prosesin uğurlu olması üçün məktəb kollektivi ilə yanaşı valideynlər də üzərinə düşən məsuliyyəti dərk etməlidir. 

Məsələ ilə bağlı Oxu24.com-un suallarını cavablandıran tanınmış təhsil eksperti Ramin Nurəliyev bildirib ki, Nazirlər Kabinetinin son qərarı tamamilə doğru və yerində verilmiş addımdır. Ekspert qeyd edib ki, əvvəlki dövrlərdə hər məktəbin öz qaydaları və ya fərqli geyim tərzi var idi, bəzi hallarda isə nizamsızlıqlar müşahidə olunurdu.

Ramin Nurəliyevin sözlərinə görə, yeni qaydaların tətbiqinin əsas üstünlükləri və tələbləri bunlardır:

”Maddi imkanı çox olan şagird istədiyi geyimdə gələ bildiyi halda, digər şagirdlərin belə imkanı olmaya bilər ki, bu da sosial bərabərliyə kölgə salır. Vahid geyim forması bu fərqlilikləri aradan qaldırır.

Qərar təkcə şagirdləri deyil, müəllimləri də əhatə edir; müəllim də öz adına uyğun geyim tərzində olmalı, tədris prosesinə standartlara uyğun qatılmalıdır. 

Oğlan şagirdlərdə üzün qırxılması və fərqli saç stillərinin olmaması, qız şagirdlərdə isə ətəyin dizdən yuxarı olmaması, eləcə də üz makiyajı, uzun dırnaq və zinət əşyalarının taxılması qəti şəkildə qadağan edilir”.

Ekspert vurğulayıb ki, qoyulan qaydaların əsas məqsədi hər kəsin öz statusuna uyğun şəkildə təhsil prosesində təmsil olunmasıdır.

Məktəb və valideynlər birgə hansı addımları atmalıdır?

Ekspert qeyd edib ki, qəbul edilən qərarların uğurlu nəticə verməsi üçün tərəflər birgə hərəkət etməlidir:

•Valideynlər şagirdlərin məktəbə nümunəvi formada gəlməsinə xüsusi diqqət yetirməlidirlər.

•Qaydalara və qanunlara riayət olunması istiqamətində məktəbə dəstək göstərilməlidir.

Çimnaz Telmanqızı

Həmçinin oxuyun

Qaz limitləri ilə bağlı YENİ TƏKLİF

Müğənnidən hicab müzakirələrinə sərt reaksiya: “Allah cəzalarını verəcək

13 oktyabrda bizi nələr gözləyir? -ULDUZ FALI

Məktəbə hücum anının YENİ GÖRÜNTÜLƏRİ