Nazirlər Kabineti qərarda DƏYİŞİKLİK ETDİ
20 Noyabr 2026, 13:08
Qaynar xətt:
(+99450) 247 90 86
CƏMİYYƏT
329
14.09.2026, 16:35
Son 15 il ərzində 140-dan çox ölkənin Azərbaycanın humanitar yardımından yararlanması ölkəmizin qlobal miqyasda həyata keçirdiyi humanitar siyasətin geniş miqyasını və ardıcıllığını nümayiş etdirir. Azərbaycan dövləti mövcud iqtisadi imkanları çərçivəsində beynəlxalq təşkilatlarla əməkdaşlıq edərək dünyanın müxtəlif bölgələrində baş verən təbii fəlakətlər, münaqişələr və humanitar böhranlar zamanı zərərçəkən insanlara təmənnasız dəstək göstərir. Bu fəaliyyət Azərbaycanın yalnız regional səviyyədə deyil, həm də beynəlxalq miqyasda etibarlı, məsuliyyətli və həmrəylik prinsiplərinə sadiq tərəfdaş kimi mövqeyini gücləndirir. Xarici siyasətin mühüm tərkib hissəsi olan humanitar diplomatiya ölkənin beynəlxalq imicinin müsbət istiqamətdə formalaşmasına və digər dövlətlərlə ikitərəfli əlaqələrin dərinləşməsinə xidmət edir.
Mövzu ilə bağlı Oxu24.com saytına açıqlama verən Milli Məclisin deputatı Elçin Mirzəbəyli bildirib ki, humanitar sahə Azərbaycan dövlətinin siyasətinin təməlini təşkil edən əsas aspektlərdəndir:
"Humanitar sahə Azərbaycan dövlətinin siyasi mahiyyətinin təməlini təşkil edən aspektlərdəndir və təbii ki, bunun çoxsaylı səbəbləri var. İlk növbədə, Azərbaycan Qoşulmama Hərəkatının məsuliyyətli üzvü kimi, istər təbii fəlakətlər, istər münaqişələr və müharibələr zamanı öz üzərinə düşən vəzifəni ən yüksək səviyyədə və layiqincə yerinə yetirir”.
Deputat əlavə edib ki, Azərbaycanın özünün keçmişdə üzləşdiyi 1 milyonluq məcburi köçkün və qaçqın problemi, eləcə də bu problemlərin öhdəsindən gəlmək məcburiyyətində qalması ölkəmizin bu məsələlərə həssas yanaşmasının əsas səbəblərindən biridir:
"Digər mühüm aspekt isə Azərbaycanın özünün çətin zamanlardan keçdiyi, 1 milyon məcburi köçkün və qaçqının problemləri ilə qarşı-qarşıya qaldığı və bu problemlərin öhdəsindən gəlmək məcburiyyətində olduğu bir faktdır. Həmin zaman kəsiyində olduqca azsaylı ölkələr Azərbaycana yardım etməyə çalışırdılar və bu dəstək mahiyyət etibarilə ciddi dəstək deyildi”.
Elçin Mirzəbəyli vurğulayıb ki, ötən illər ərzində Azərbaycan Qoşulmama Hərəkatına sədrliyi dövründə də qlobal platformalarda humanitar missiyanın necə daşındığının şahidi olub:
"Azərbaycan beynəlxalq müstəvidə yürütdüyü siyasət, humanitar siyasət ölkənin beynəlxalq imicinə təsir göstərir və Azərbaycanın Qoşulmama Hərəkatına sədrliyi dövründə də biz humanitar dövlətin humanitar mahiyyətinin qlobal platformalara necə daşındığının şahidi olmuşuq”.
Onun sözlərinə görə, Azərbaycan Qoşulmama Hərəkatının məsuliyyətli üzvü kimi qlobal humanitar böhranlara operativ reaksiya verir. Ölkəmizin tarixi təcrübəsi, xüsusilə qaçqın və məcburi köçkün problemləri ilə təkbaşına mübarizə aparması humanitar yardımlara olan həssaslığı artırır. Qoşulmama Hərəkatına sədrliyi dövründə Azərbaycan qlobal miqyasda humanitar həmrəyliyin gücləndirilməsinə mühüm töhfələr verib.
“Azərbaycanın humanitar sahədə həyata
keçirdiyi bu ardıcıl siyasət gələcəkdə də beynəlxalq münasibətlər sistemində ölkəmizin mövqeyini möhkəmləndirən əsas amillərdən biri olaraq qalacaqdır”,- deyə deputat qeyd edib.
Çimnaz Telmanqızı
13:08 / 20 Noyabr 2026
1
13:06 / 20 Noyabr 2026
16
13:01 / 20 Noyabr 2026
26
13:00 / 20 Noyabr 2026
47
12:52 / 20 Noyabr 2026
57
12:50 / 20 Noyabr 2026
44
12:48 / 20 Noyabr 2026
53
12:47 / 20 Noyabr 2026
116
12:37 / 20 Noyabr 2026
61
12:30 / 20 Noyabr 2026
58
12:23 / 20 Noyabr 2026
179
12:11 / 20 Noyabr 2026
70
11:43 / 20 Noyabr 2026
93
11:42 / 20 Noyabr 2026
184
11:36 / 20 Noyabr 2026
88
11:20 / 20 Noyabr 2026
117
11:05 / 20 Noyabr 2026
30
11:05 / 20 Noyabr 2026
89
11:03 / 20 Noyabr 2026
109
11:01 / 20 Noyabr 2026
107
10:49 / 20 Noyabr 2026
137
10:40 / 20 Noyabr 2026
104
10:20 / 20 Noyabr 2026
109
© 2026 Oxu24.com Müəllif hüquqları qorunur.