Dişləri fırçalayarkən qanaxma baş verməsi nəyin əlamətidir?

CƏMİYYƏT

319

03.09.2026, 15:35

Xəbərlərimizi Google-da izləyin

Yeniliklərdən dərhal xəbərdar olun

Gündəlik həyatda bir çox insanın qarşılaşdığı, lakin çox vaxt əhəmiyyətsiz yanaşdığı problemlərdən biri diş dibi qanamalarıdır. Xüsusilə dişləri fırçalayan zaman və ya öz-özünə meydana gələn qanamalar insanlarda ciddi narahatlıq və təşviş yaradır. Əksər hallarda vətəndaşlar bu cür simptomların ağır qan xəstəliklərinin və ya qan laxtalanma pozuntularının xəbərçisi olmasından şübhələnirlər. Ağız boşluğunda tez-tez təkrarlanan qanamalar bəzən orqanizmdəki digər gizli səhhət problemlərinin ilkin göstəricisi kimi də qiymətləndirilir. Lakin hər diş qanaması həqiqətən də qan xəstəliyi göstəricisidirmi, yoxsa bunun arxasında başqa faktorlar dayanır? Yaranan suallara aydınlıq gətirmək və düzgün tibbi maarifləndirmə aparmaq böyük əhəmiyyət kəsb edir.

Oxu24.com xəbər verir ki,diş dibi qanamaları həm sistemli, həm də yerli faktordan qaynaqlana bilər:

•Sistemli qan xəstəlikləri: Bədənin başqa nahiyələrində də qansızmalar, hematomalar və qan laxtalanma pozuntusu ilə bağlı simptomlar müşahidə olunursa, bu hal həqiqətən qan xəstəliyinin əlaməti kimi qəbul edilə bilər və mütləq araşdırılaraq səbəbi tapılmalıdır.

•Yerli iltihabi proseslər: Qanama yalnız diş dibində baş verirsə, bu çox zaman qan sistemi xəstəliklərinə aid olmur və diş ətinin iltihabı (qingivit) kimi yerli iltihabi problemlərlə əlaqədardır.

•Vitamin çatışmazlığı: Xüsusilə C vitamini çatışmazlığı və avitaminozdan əziyyət çəkən uşaqlarda və ya böyüklərdə diş dibi qanamaları tez-tez meydana gəlir.

Bədənin digər yerlərində qansızma əlamətləri yoxdursa, təkcə diş fırçalayarkən yaranan qanamalar qan patologiyası deyil, lokal iltihabi faktorların göstəricisidir.

Nigar

Həmçinin oxuyun