TƏBİB-də daha 2 təyinat - Fotolar

CƏMİYYƏT

01.05.2026, 11:26

Tibbi Ərazi Bölmələrin İdarəetmə Birliyinin (TƏBİB) tabeli tibb müəssisələrinə yeni rəhbər şəxslər təyin olunub

Oxu24.com xəbər verir ki, təyinatlarla bağlı TƏBİB-in İcraçı direktoru Anar Byaramov əmrlər imzalayıb.

Əmrlərdən birinə əsasən, Əməkdar həkim, tibb üzrə fəlsəfə doktoru Xəlilov Zaur Bəhmən oğlu Mərkəzi Neftçilər Xəstəxanasına direktor təyin edilib.

Z.Xəlilov əmək fəaliyyətinə 2002-ci ildən Mərkəzi Klinik Xəstəxanada ümumi cərrah olaraq başlayıb.

2010-2012-ci illərdə Ümumi cərrahiyyə şöbəsinin müdiri, 2012-ci ildən hazırkı təyinatınadək Cərrahiyyə üzrə baş həkim müavini vəzifəsində çalışıb.

Zaur Xəlilov ölkəmizdə orqan transplantasiyası (qaraciyər, böyrək və s.) əməliyyatını icra edən azsaylı mütəxəssislərdən biridir. O, Prezidentin Sərəncamına əsasən 2022-ci ildə “Əməkdar həkim” adına layiq görülüb.

Həmçinin oxuyun

2 mayda bizi nələr gözləyir? — ULDUZ FALI

Prezidentin idmana verdiyi davamlı DƏSTƏK: RƏSMİ ŞƏXSLƏR DANIŞIR

Milli Məclisdə maaşlarla bağlı QƏRAR

Zamiq Quliyev və başqaları həbs edilib

Digər əmrə əsasən isə Hacı Məhəmmədoviç Lətifov Abşeron Rayon Mərkəzi Xəstəxanasına direktor təyin edilib.

Təcrübəli cərrah Hacı Lətifov 1997-1998-ci illərdə 1 saylı şəhər klinik xəstəxanasında Ümumi cərrahiyyə şöbəsində internaturanı tamamladıqdan sonra, 1998-2019-cu illərdə həmin xəstəxanasının Cərrahiyyə şöbəsində ümumi cərrah kimi fəaliyyət göstərib.

2025-ci ildən hazırkı təyinatınadək Zaqatala Rayon Mərkəzi Xəstəxanasında direktorun cərrahi xidmətlər üzrə müavini vəzifəsində çalışıb.

H.Lətifov 2007-ci ildə Rusiyada “Diaqnostika laparoskopiya, Operativ laparoskopiya” üzrə ixtisasartırma akademiyasını, 2008 və 2009-cu illərdə Almaniyanın Humbolt Kliniki Mərkəzində keçirilən kursları, 2014-cü ildə Hindistanın “Galaxy Care” Laparoskopiya İnstitunda “Laparoskopiya və Laparoskopik Ginekoloji Onkologiya” kursunu tamamlayıb.