Azərbaycan adının dəyişdirilməsi təklif olunur  

Milli Məclisin deputatı Qüdrət Həsənquliyevin ölkə adının dəyişdirilərək “Şimali Azərbaycan” adlandırılması ilə bağlı təklifi parlamentdə və cəmiyyətdə müzakirələrə səbəb olub. Yeni Konstitusiya islahatları çərçivəsində səsləndirilən bu ideyaya həmkarlarından cavab gecikməyib.

Məsələ ilə bağlı Oxu24.com-a açıqlama verən Milli Məclisin deputatı Azər Badamov həmkarının təklifinə münasibət bildirərək, Azərbaycan adının toxunulmazlığını və beynəlxalq nüfuzunu xüsusi vurğulayıb.

“Deputat fikir ifadə etməkdə azaddır və özünün baxışları ilə fikirləri bildirir. Bu baxımdan həmkarlarımın fikirlərinə hörmətlə yanaşıram. Subyektiv fikrim ondan ibarətdir ki, ölkəmizin adı müzakirə mövzusu olmamalıdır. Azərbaycan vahid məkan adıdır və mənası da çox genişdir. Ona görə də ölkəmizin adını Şimala və ya da Cənuba bölməyi düzgün hesab etmirəm. 

Azərbaycan Respublikası beynəlxalq səviyyədə tanınmış brenddir. Hesab edirəm ki, adın dəyişilməsi real iqtisadi və ya sosial üstünlük qazandırmır. Bu gün dünyada tanınmış qalib, nüfuzlu və hörmətlə yanaşılan Azərbaycan brendi formalaşıb. Hər bir azərbaycanlı da bu brend altında birləşməlidir”.

Beləliklə, parlamentdə səslənən bu maraqlı təklif deputatlar arasında fikir ayrılığına səbəb olub. Azər Badamovun da qeyd etdiyi kimi, Azərbaycan artıq dünyada zəfər çalmış bir simvol halına gəlib. Görünən odur ki, ad dəyişikliyi məsələsi hələ uzun müddət siyasi gündəmin ən qaynar mövzularından biri olaraq qalacaq. 

Xatırladaq ki, “Azərbaycan” adının mənşəyi qədim tarixə gedib çıxır və bir neçə mərhələdə formalaşıb.

 Adın mənşəyi

“Azərbaycan” sözü  əsasən Atropat adlı şəxsə bağlanır. O, eramızdan əvvəl IV əsrdə Makedoniyalı İsgəndər imperiyasının tərkibində Midiya satrapı olmuşdu.

Həmçinin oxuyun

Sabiq nazir bu vəzifəyə  təyin olundu - FOTO 

SON DƏQİQƏ! Milli Məclis mühüm qərarlar qəbul edib

Azərbaycan adının dəyişdirilməsi təklif olunur  

Bu gün bu ərazilərə qar yağacaq 

İsgəndərin ölümündən sonra Atropat öz müstəqil dövlətini qurdu və bu ərazi:

Atropatena (yəni “Atropatın ölkəsi”) adlandırıldı.

Zaman keçdikcə bu ad fonetik dəyişikliklərə uğrayaraq:

Atropatena → Adərbayqan → Azərbaycan formasını aldı.

 İlk istifadə

“Azərbaycan” adına yaxın formalar:

İlk dəfə eramızdan əvvəl IV–III əsrlərdə Atropatena kimi işlədilib.

Orta əsr mənbələrində (ərəb və fars tarixçilərində) artıq “Adərbayqan” və ya “Azərbaycan” formasına rast gəlinir.

Çimnaz Telmanqızı