Hindistanın çirkin “dini-ayrıseçkilik” siyasəti: Soyqırımı olan Siqhlər kimdir?  

Bakı Təşəbbüs Qrupunun (BTQ) İcraçı direktoru Abbas Abbasov “Hindistanda siqhlərə və digər milli azlıqlara qarşı irqçilik və zorakılıq: mövcud reallıqlar” adlı beynəlxalq konfransdakı çıxış edib. O çıxışında bildirib ki,  siqhlərin yaşadıqları saysız-hesabsız vəhşilikləri və hüquq pozuntularını sözlərlə ifadə edə bilmərik:”Siqhlərə qarşı ağrılı, təcili və çox vaxt nəzərə alınmayan irqçilik və zorakılıq məsələsi hər zaman gündəmdə saxlanılmalıdır”. 

 Abbas Abbasovun haqqında kədər və həyəcanla danışdığı  və cəmiyyətimizə tanış olmayan  siqhlər kimdir.

 Oxu24.com xəbər verir ki, siqhlər “Siqhizm”adlı  dini cərəyan altında  ibadət edən dini bir qrupdur və bu qrupda  müxtəlif xalqlar birləşib. Yəni, dini qrup  puştu , brahui , teluqu , marati , assam , tamil , hindi , sindhi , benqal və digər dillərdə danışan insanları əhatə edir . 

Dünyada təxminən 25-30 milyon siqh var ki, onun da  20,8-22 milyonu Hindistanda yaşayır. Ölkənin dördüncü ən böyük dini qrupunu təşkil edən siqhlər xüsusən  Pəncab əyalətində sıx  məskunlaşıblar.

Mənbələrdə bildirilir ki, Sikhizm ilk dəfə 1504-cü ildə Benqaliyada   ortaya çıxıb. Quru  Nanak adlı hindli  Benqaliyaya səfər edərkən burada  Qurdvaralar  ( ibadət zalları (təxminən kilsə, məscid  məzmununda) qurduqdan sonra yayılıb. Ona görə də Siqhizm dininin qurucusu Quru Nanak hesab olunur. Həm də ölənə qədər  kənd-kənd gəzərək, getdiyi hər yerdə “Tanrılar”  anlayışını pisləyən Nanak, yalnız bir Tanrı olduğu fikrini təbliğ edib. 

Həmçinin oxuyun

SON DƏQİQƏ! Elnur İbrahimov HƏBS EDİLDİ   -FOTO

Kredit borcu olanlara VACİB XƏBƏR: Banklar bunu edə bilər...

İran hadisələri region iqtisadiyyatına necə təsir edə bilər? – Natiq Cəfərli AÇIQLADI

Polis əməliyyat keçirib: Orxan Müslümov HƏBS OLUNDU - ANBAAN VİDEO

 Siqhizm dininin müqəddəs kitabı isə  "Quru Qrant Sahib"dir. 1430 səhifəlik bu kitabda Siqh dininin qurucularından başqa  müsəlman və hinduizm qurucularının da kəlamları yer alır.  Siqhizim çoxtanrılı dinləri (krişna, buddizm və s. ) qətiyyətlə rədd edir. Bu dinə görə, bütün insanlar bərabər sayılır. Bütün Siqhlərin məğlub etməli və təmizləmələri lazım olan beş şər var. Siqhizimə inanan sihlər əvvəlcə öz içlərindəki bu beş şərin öhdəsindən gəlməlidirlər. Qəzəb, eqo, maddi bağlılıq, hirs və şəhvət məhz həmin beş şər duyğudur.

 500 ildən çox  yaşı olan Siqhizm dini qrup 1920 -ci ildə  rəsmi şəkildə  təsdiqlənib və  partiya şəklində fəaliyyət göstərib. Beləki, Şiromani Akali Dal ( SAD ) tərcümədə  Ali Əbədi Partiya deməkdir  və Hindistanın Pəncab əyalətində  sağçı Sikh mərkəzli dövlət siyasi partiyası olub. 

  XX əsrdə dinin təkminləşdirilməsində və yayılmasında isə  Tara Sinq adlı hindistanlının böyük rolu olub.

 Sinqhərə qarşı münasibət  heç vaxt  ürəkaçan olmasa da əsasən    1984-cü il 31 oktyabrda baş nazir İndira Qandinin siqh cangüdənləri tərəfindən öldürülməsindən sonra Hindistanda siqhlərə qarşı bir sıra mütəşəkkil qırğınlar baş verdi. Beləki,  Hindistanda dini azlıq olan siqhlərə qarşı sistematik və soyqırım hücumları baş verdi. Partiyası liderlərinin rəhbərlik etdiyi və hökumətin dəstəklədiyi “ölüm” dəstələri 30.000-dən çox siqhi öldürdü, siqh qadınlarına təcavüz etdi, yüzlərlə siqh məbədini yandırdı və 300.000-dən çox siqhi didərgin saldı. Didərginlər böyük əksəriyyəti  ABŞ-ın Kaliforniyasında  “Mərkəzi Vadi” deyilən ərazidəyə sığınıblar.

 Hindistanın Xalq Partiyasının (“Bharatiya Canata Parti”) rəhbərlik etdiyi  Milli Demokratik Alyansın (MDA) lideri Narendra Modi  Hindistanın Baş naziri olan gündən- 2014 -cü ildən bu günə qədər ölkəsinin müsəlman və siqh əhalisinə qarşı radikal münasibət sərgiləyir. Bu səbəbdən də  Hindistanda   hər iki dini qrupa qarşı  dini ayrıseçkilik edilir, onların hüquqları tanınmır, müdafiə olunmur,  döyülür, təhqir edilir , evləri yandırılır, iş yerlərindən qovulur, onlara qarşı qırğınlar törədilir.

Əntiqə Rəşid