80 yaşlı Misir müəllimə 11 vəzifə verilir, verilsin, bəs Misir müəllim niyə götürür?   

Mənim orta məktəbdə ibtidai  sinif  müəlliməm vardı , Səlbinaz müəllimə! (Elə indi də var) Müəlliməm o qədər bilikli , savadlı müəllimə idi ki, valideynlər uşaqlarını  onun sinfinə qoymaq üçün sıraya girərdilər(“ az qala bir- biri ilə dava-dalaş edərdilər” yazmıram, ayıb olar) Səbinaz müəllimənin əsas özəlliyi odur ki, qazandığı savadı, biliyi yüz-min əzab -əziyyətlə sinifindəki uşağa – şagirdə aşılamağı bacarırdı. Məsələn, bizim sinifdə 23 uşaqdan 11 əlaçı, 8 orta  4 nəfər də pis oxuyan uşaq vardı. Əslində müəlliməm o 4 şagirdə də eyni cür məsuliyyətlə yanaşırdı, amma ki, nə fayda, onlar oxumadılar. Uzun sözün qısası, kəndimizdən ali  təhsilli gənclərin çox olmasında Səlbinaz müəllimin xüsusi rolu danılmazdır.   

Köçkünçülük illərində də müəlliməm fəaliyyət göstərirdi və valideynlər də həmişəki kimi onu seçirdilər.  Bir gün nəhayət Səlbinaz müəlliməni pensiyaya çıxartdılar ( 65 yaş). Dedilər ki, artıq yaşlanmısan, gördüyün iş əvvəlki kimi  keyfiyyətli olmaya bilər.  Yeri gəlmişkən, bir neçə il əvvəl bir köçkün məktəbin direktoru olaraq həm savadı, həm də təşkilatçılığı ilə seçilən Məlahət müəlliməni də pensiyaya çıxartdılar. Onun məktəbində dərsə davamiyyət, ali təhsilə həvəs,  təlim və tərbiyə prinsiplərinə ciddi riayət olunurdu. Müəllim kollektivi də mehriban və səmimiliyi ilə, şagirdlərlə davranışı ilə başqa məktəblərin kollektivlərindən seçilirdi. Uzun sözün qısası, işinin ustalarını işindən ayırıb evə məhkum etdilər. Pensiyaları da təxminən 500 manat civarında olmalıdır.

Bu gün növbəti maraqlı bir xəbərlə raslaşdım, xəbərdə yazırdılar ki, 1978-ci ildən vəzifələrdə olan, ilk öncə vəzifəyə dekan müavini kimi başlayan ,15 il Azərbaycanın təhsil naziri, 12 il institut direktoru olmuş Misir Mərdanov yaxın vaxtlarda Bakı Dövlət Universitetində yeni vəzifəyə təyin olunacağı gözlənilir. Deməli, Misir müəllim Ramiz Mehdiyevin həyat yoldaşı Qalina Mehdiyevanın rəhbərlik etdiyi və hazırda boş qalan Hesablama riyaziyyatı kafedrasına rəhbərlik edəcək.

Əvvəlcə istədim möhkəm əsəbiləşəm ki,  axı bu 80 yaşlı insandan nə istəyirsiniz, niyə imkan vermirsiniz ki, gedib evində  nəvələri ilə gün keçirsin? Mənim anamın da 80 yaşı var, bir otaqdan o biri otağa keçəndə nə üçün keçdiyini yadına sala bilmir. Bacıma mənim adımı deyir, mənə bacımın ...

Həmçinin oxuyun

80 yaşlı Misir müəllimə 11 vəzifə verilir, verilsin, bəs Misir müəllim niyə götürür?   

Qar yağacaqı  TARİX AÇIQLANDI 

SON DƏQİQƏ! Yüksək posta təyinat BAŞ TUTDU

Ramiz Mehdiyevin arvadının yerinə KİM GƏLİR?

 Xəbərə elə əsəbiləşdim də! Çünki bir neçə gün əvvəl oxumuşdum ki, sabiq nazirin 10 dənə vəzifəsi varmış:

 1. Qərbi Azərbaycan İcması Müşahidə Şurasının sədri.

2. Bakı Dövlət Universitetinin Ali riyaziyyat kafedrasının müdiri.

3. "Azərbaycan Milli Elmlər Akademiyasının Xəbərləri" jurnalının fizika-texnika və riyaziyyat elmləri seriyasının riyaziyyat və mexanika buraxılışının redaktor müavini.

4. “Azerbaijan journal of Mathematics” jurnalının redaksiya heyətinin üzvi.

5. AMEA Riyaziyyat və Mexanika İnstitutunun "Elmi əsərlər" jurnalının baş redaktoru. 

6. “TWMS Journal of Pure and Applied Mathematics” (Turkic World Mathematical Society) jurnalının beynəlxalq redaksiya heyətinin üzvi.

7. “Чебышевский сборник” jurnalının beynəlxalq redaksiya heyətinin üzvi.

8. Riyaziyyat və Mexanika İnstitutunun D 01.111 dissertasiya Şurasının üzvü.

9. Riyaziyyat və Mexanika İnstitutunun Elmi Şurasının sədri.

10. Riyaziyyat və Mexanika İnstitutunun D.01.111 dissertasiya Şurasının sədri.

Media yazır  ki, Misir müəllim bu vəzifələrin hansında maaşla, hansında ictimai əsaslarla çalışdığı məlum deyil:” Hətta bu durumda belə keçmiş nazirin aylıq gəlirinin kifayət qədər yüksək olduğunu təxmin etmək mümkündür. Professor M.Mərdanov BDU-nun kafedra müdiri kimi 2000-2500 manat, AMEA-nın müxbir üzvü kimi 1200 manat rütbə maaşı alır. Bundan başqa, o, 15 il təhsil naziri işləyib və hazırda çox yüksək məbləğdə pensiya alır”. 

Axı, 80 yaşlı bir adamın 11 vəzifəni idarə etmək potensialı yoxdu? Niyə imkan vermirsiniz, Misir müəllim  dincəlsin,  sabah, iraq olsun,  başına bir iş gəlsə,  Allahın dərgahına yorğun -arğınmı çıxsın?

 Bayaqdan düşünürəm, əgər Misir müəllim 11-ci vəzifəsini - Hesablama riyaziyyatı kafedrasına rəhbərliyi qəbul etsə, onda  belə çıxır ki, ya Misir müəllim sıradan adi bir insan yox, uşaqlıqdan vunderkinq, böyüdükcə  FENOMEN, day nə bilim, qeyri adi qabliyyətə malik möcüzəvi dəyərdir. Ya da  Misir müəllim Səlbinaz müəllimə, Məlahət müəllimə kimi minlərlə 65 -70 yaşlı ziyalıların haqqını yeyir. 

Sözümü el arasında məşhur olan bir lətifə ilə bitirirəm. Deyir,  bir gün bir səsi olmayan,  fəxri ada qabliyyəti çatmayan  artistlərimizdən biri  sevincək yaxınlaşır  mərhum kamança ustası Habil Əliyevə və deyir: Habil müəllim, məni təbrik edin, “Əməkdar artist” adını aldım. Habil müəllim də qaşqabağın töküb deyir: Tutaq ki, onlar verirdi, bəs sən niyə götürürdün?  

 Əntiqə Rəşid