Xəzər dənizi ilə bağlı ekoloqdan ŞOK XƏBƏRDARLIQ! Dəniz "yoxa çıxa" bilər?

$Xəzər dənizi ilə bağlı ekoloqdan ŞOK XƏBƏRDARLIQ! Dəniz \"yoxa çıxa\" bilər?$

CƏMİYYƏT

1137

10.01.2026, 11:57

Xəbərlərimizi Google-da izləyin

Yeniliklərdən dərhal xəbərdar olun

Xəzər dənizi uzun illər boyu regionun ən zəngin ekosistemlərindən biri hesab edilib. Lakin son dövrlər aparılan müşahidələr və mütəxəssis rəyləri göstərir ki, Xəzər ciddi ekoloji təhlükə ilə üz-üzədir. Dəniz səviyyəsinin azalması, çirklənmə və iqlim dəyişiklikləri Xəzərin canlı aləmini səssizcə məhv edir.

Bu mövzuyla bağlı ekoloq Rövşən Abbasov Oxu24.com-a açıqlamasında bildirdi ki, hazırda Xəzər dənizinin problemlərini sadalasaq, biz ilk növbədə səviyyənin azalmasını qeyd etməliyik:

“Dənizin səviyyəsi sürətlə azalmaqdadır. Bu da Xəzər dənizinin eko-sistemini böyük ölçüdə təhlükə altına salır.

Əsas problem çirklənmə ilə bağlıdır. Xəzər hövzəsində yerləşən şəhərlərdən Xəzər dənizinə çirkab suları axıdılır. Bu şəhərlər Rusiya ərazisində yerləşir. Eləcə də Azərbaycan ərazisində, Gürcüstan ərazisində Kür çayı vasitəsilə gələn çirkab suları da Xəzərə tökülür. Bu problemlərin həll çox çətindir. Həm çirklənmə, həm də səviyyənin azalması dənizin kiçilməsinə səbəb olur.

Çirklənmiş maddələr balıqların bədəninə asanlıqla hopur. Çirkab maddələri də balıqlarda uzunmüddətli xəstəliklər yaradır. Hətta o balıqların genetik dəyişməsi baş verir.

Xəzər suyunun azalmasının qarşısını almaq üçün Xəzərə gələn çayların suyu bərpa olunmalıdır. Ona görə də hövzələrdə su ehtiyatlarından daha səmərəli istifadə etmək lazımdır. Xüsusi dövlət proqramları işlənməlidir ki, biz Xəzər hövzəsində su israfını azaldaq və beləliklə, Xəzər dənizinə tökülən çayların suyu artsın”,-deyə ekoloq bildirib.

Çimnaz Telmanqızı

Həmçinin oxuyun