Prezidentin təltif etdiyi şəxslə bağlı MARAQLI FAKTLAR: Yaponiyada yaşayıb...+FOTO

Xəbər verdiyimiz kimi, Prezident İlham Əliyevin müvafiq sərəncamı ilə xalqlar arasında dostluğun möhkəmləndirilməsi və Azərbaycan diasporunun inkişafı sahəsində xidmətlərinə görə bir qrup şəxs dövlət mükafatları ilə təltif edilib.

Həmin şəxslərdən biri də dünya miqyasında tanınan azərbaycanlı alim, ixtiraçı və elektronika mühəndisi Xəlil Kələntər Əliməmməd oğludur.

O, Prezidentin sərəncamı ilə “Tərəqqi” medalına layiq görülüb.

Oxu24.com “Tərəqqi” medalı ilə təltif olunan Xəlil Kələntər oxucular üçün maraqlı bioqrafiyasını təqdim edir.

Kələntər Xəlil  LCD displeylər sahəsində inqilabi ixtiraları ilə tanınan azərbaycanlı alim və mühəndisdir. Onun elmi yenilikləri bu gün milyonlarla insanın gündəlik istifadə etdiyi texnologiyaların əsasını təşkil edir.

Alim 1981-ci ildə professor kimi çalışmaq üçün Yaponiyaya, Naqoya Universitetinə dəvət alıb və burada 10 il elmi-pedaqoji fəaliyyət göstərib. Xəlil Kələntər fəlsəfə doktoru (PhD) elmi dərəcəsini Naqoya və Tohoku universitetlərində alaraq optika və elektronika sahəsində ixtisaslaşıb.

Həmçinin oxuyun

Nazirlər Kabineti yeni QƏRAR QƏBUL ETDİ: Dəyişikliklərin İZAHI

İki müavini və köməkçisi olmadan işləyən başçı  KİMDİR?

SON DƏQİQƏ! Gömrükdə "təmizləmə" davam edir: O da vəzifəsini İTİRDİ

ABŞ-də Maduronun həbsi ilə bağlı ŞOK QƏRAR: Maduro buraxılacaqmı?

Xəlil Kələntər 3 kitabın müəllifi, 6 kitabın isə həmmüəllifidir. O, həmçinin 150-dən çox elmi məqalənin müəllifidir. Alimin tədqiqatları nüfuzlu beynəlxalq elmi jurnallarda dərc olunub və yüksək sitat indeksinə malikdir.

Onun elmi nailiyyətləri beynəlxalq səviyyədə də yüksək qiymətləndirilib. Belə ki, 2008-ci ildə Xəlil Kələntər İnformasiya Displeyləri Cəmiyyətinin (Society for Information Display – SID) fəxri üzvü seçilib.

2011-ci ildə isə SID tərəfindən “Ən yaxşı elmi məqalə” mükafatına layiq görülüb.

Peşəkar karyerası ərzində alim ikiölçülü optik koherent təsvirlər, optik-elektron sensorlar, ölçmə cihazları və yüksək dəqiqlikli texnoloji sistemlər üzərində işləyib.

1995-ci ildən etibarən LCD panellər üçün optik qurğular və modulların hazırlanması ilə məşğul olub. Bu dövrdə o, Fujitsu, Sony və Global Optical Solutions kimi dünya nəhəngi şirkətlərlə əməkdaşlıq edib. Mütəxəssislərin fikrincə, Kələntər Xəlil Sony VAIO brendinin texnoloji konsepsiyasının formalaşmasında mühüm rol oynayıb.

Alim 2007-ci ilin may ayında LCD ekranların işıqlandırılması üçün tamamilə yeni optik dizayn metodunun ixtirasına görə xüsusi mükafatla təltif edilib.

Kələntər Xəlil  maye-kristal displeylərin (LCD) arxa işıqlandırma texnologiyasının əsas ixtiraçılarından biri hesab olunur. Bu texnologiya hazırda mobil telefonlar, televizorlar, monitorlar və digər elektron cihazlarda geniş istifadə edilir.

Qeyd edək ki, ilk nəsil iPhone və iPod Nano modellərində məhz onun həmmüəllifi olduğu texnologiyadan istifadə olunub.

Azərbaycanlı alimin displey texnologiyaları sahəsində 100-ə yaxın patenti mövcuddur. Onun ixtiraları dünya texnologiya bazarında bu gün də aktual olaraq qalır.

Xəlil Kələntər “Tərəqqi” medalı ilə təltif edilməsi Azərbaycan elminin beynəlxalq aləmdə qazandığı uğurların və diaspor nümayəndələrinin ölkə adına verdiyi töhfələrin dövlət səviyyəsində yüksək qiymətləndirilməsinin bariz nümunəsidir.