Azərbaycan teatrının ilk aktrisalarından biri odur - Maraqlı həyatı

Yevgeniya Olenskaya 1900-cü ildə Qubada doğulub.

Oxu24.com  xəbər verir  ki,əslən rus olsa da uşaqlıqdan Azərbaycan dilini öyrənib və sonrakı dövrlərdə Yeva və ya Yeva xanım adı ilə tanınıb.

1907-ci ildə ailəsi ilə birlikdə Bakıya köçüb.Böyük bacısı Aleksandra Olenskaya Azərbaycanda fəaliyyət göstərən müxtəlif teatr truppalarında çıxış edirdi.

İlk dəfə 1913-cü il oktyabrın 25-də, 13 yaşında bacısı ilə birlikdə Üzeyir Hacıbəyovun “Arşın mal alan” operettasının premyerasında Asya rolunu ifa edib.

1913-cü ildə "Nicat" Cəmiyyətinin teatr truppasına daxil olub.

Daha sonra bacısı ilə birlikdə "Səfa" Cəmiyyətinin teatr truppasında fəaliyyət göstərib.1917-ci ildə Boris Svetlov və Q.Lemberq tərəfindən ekranlaşdırılmış "Arşın mal alan" filmində bacısı Aleksandra ilə birlikdə rol alıb və burada Telli obrazını canlandırıb.

1918-1919-cu illərdə Hacıbəyli qardaşlarının opera-operetta artistləri dəstəsində fəaliyyət göstərib.1919-cu ildə Azərbaycan Cümhuriyyəti tərəfindən yaradılmış Türk Dövlət Teatrının aktrisalar heyətində olub.

1923-1926-cı illərdə Bakı Teatral Texnikumunda təhsil alıb.1922-ci ilin sonlarınndan 1925-ci ilin əvvəllərinədək Bakı Türk Azad Tənqid və Təbliğ Teatrında, daha sonra isə 1925-ci ildən ömrünün sonuna qədər, 34 il Azərbaycan Dram Teatrında fəaliyyət göstərib. Burada həm milli dramaturgiya nümunələrində, həm də tərcümə əsərlərinin tamaşalarında dramatik, faciə, komik və xarakterik rollar yaradıb.

1927-ci ildə Əmək Qəhrəmanı, 1949-cu ildə isə Azərbaycan SSR xalq artisti adlarını alıb.

Yeva Olenskaya 19 may 1959-cu ildə Bakıda vəfat edib.

Qeyd edək ki, onun böyük bacısı Aleksandra (Şura) Olenskaya aktrisa olmaqla yanaşı, içtimai işlərdə də fəal olub. Bacısının həyat yoldaşı Heydər Vəzirov Azərbaycan SSR xalq torpaq komissarı olub. 1937-ci ildə həyat yoldaşı və iki oğlu ilə birlikdə repressiyaya məruz qalıb...

Həmçinin oxuyun

15 mayda bizi nələr gözləyir?  — ULDUZ FALI

Pensiya artımı ilə bağlı müjdəli AÇIQLAMA 

Azərbaycanda bu şəxslərə pulsuz torpaq VERİLƏCƏK

Etibarnamə ilə maşın sürənlərin nəzərinə - Gələn aydan...