Unutmaq Mümkün Deyil: Qəlbləri Parçalayan və Qürurlandıran 44 GÜN!  

Azərbaycanın müasir tarixinə qızıl hərflərlə yazılan 44 günlük Vətən Müharibəsi təkcə hərbi qələbə deyil, həm də xalqın fədakarlıq, birlik və sarsılmaz iradə nümayişi idi.

Oxu24.com şanlı tariximizin yaddaşlardan silinməyəcək ən təsirli məqamlarını təqdim edir:

Səngərdəki Varislik və Ailə Dramları:

Müharibənin elə anları oldu ki, orada həm kədər, həm də sonsuz bir məğrurluq hakim idi:

Ata və Oğul: Eyni səngərdə çiyin-çiyinə döyüşən doğmalar.

Əkizlərin Əbədi Evi: Yan-yana qoyulmuş əkiz qardaşların əkiz məzarları.

Vəfalı Ömür Gün-Yoldaşları: Həyat yoldaşının tabutuna girən, onun cənazəsini çiynində daşıyan fədakar Azərbaycan qadınları.

Anaların Fəryadı: "Oğlumun qəbrinə girib onunla yatmaq istəyirəm" deyən ana fəryadı və şəhid övladının tabutu qarşısında "vətən sağ olsun" deyib məğrurcasına rəqs edən analar.

Cəbhədən İnsan mənzərələri: "Qızım üçün darıxmışam..."

Döyüş meydanında hər əsgərin bir hekayəsi, bir nisgili var idi:

Son nəfəsində "Qızım üçün darıxmışam" deyən qəhrəman.

Övladının corablarını cibində saxlayıb, hər hücumdan əvvəl onları öpən ata-əsgər.

Üzü-gözü qan içində olsa da, kameraya gülümsəyərək düşmənə göz dağı verən gənc mübarizlər.

Və dünyanı heyrətə salan Şuşa fatehləri: Şəhəri yalın əllə, bıçaqla, qayaları dırmaşaraq azad edən qəhrəmanlar.

Arxa Cəbhə: "Dəmir Yumruq" Birliyi

Qələbə təkcə ön xətdə deyil, həm də xalqın sarsılmaz birliyində qazanıldı:

Böyük Ürəklər: Cırıq ayaqqabısı ilə "ASAN xidmət"ə gəlib, təqaüdünü orduya bağışlayan ağsaqqal babalar.

Fədakar Analar: Gecə-gündüz yorulmadan əsgər balaları üçün yemək hazırlayan, corab toxuyan qadınlar.

Media və Tibb İşçiləri: Atəş altında haqq səsimizi dünyaya yayan jurnalistlər və yaralıları həyata qaytaran həkimlər.

Həmçinin oxuyun

Prezidentdən bayram öncəsi XOŞ MÜJDƏ: FƏRMAN yanvarın 1-dən tətbiq edilir

Prezident FƏRMAN İMZALADI: DTX VƏ DİN...

Həmin şəxs xaricdən tutulub Azərbaycana gətirildi

Prezident Qanun İMZALADI

Siyasi İradə və Beynəlxalq Dəstək

Döyüş meydanındakı uğurlar siyasi arenadakı cəsarətlə tamamlandı. Dövlət başçısının xarici təzyiqlərə qarşı sarsılmaz duruşu, "Dəmir Yumruq" ətrafında birləşən 50 milyon azərbaycanlı və qardaş ölkələrin mənəvi dəstəyi bu zəfərin sütunları oldu.

Bu 44 gün Azərbaycan xalqının nə qədər böyük, məğrur və yenilməz olduğunu bütün dünyaya sübut etdi. Şəhidlərimizin ruhu qarşısında baş əyirik!

Çimnaz Telmanqızı