Ölüm tarixi bilinməyən qəza RƏİSİ

CƏMİYYƏT

676

02.01.2026, 23:34

Xəbərlərimizi Google-da izləyin

Yeniliklərdən dərhal xəbərdar olun

Talıbxan bəy Məşədi Hüseyn bəy oğlu Talıbxanov 24 may 1859-cu ildə Şuşa qəzasının Vərəndə sahəsinin Qacar kəndində doğulub.

Molla yanında ibtidai təhsil alıb.

Sonra ailə şəraitində rus dilini öyrənib.1881-ci ilin avqustun 1-də Bakı şəhərinin İvanov sahəsində katib köməkçisi kimi işə başlayıb. 1882-ci ildə Quba qəzasına tərcüməçi kimi göndərilib.

1883-cü ilin dekabrından Quba qəzasında pristav köməkçisi vəzifəsinə təyin edilib.

4 iyun 1884-cü ildə Qubadakı həbsxanaya nəzarətçi göndərilib.22 sentyabr 1888-ci ildə Quba şəhər pristavının köməkçisi vəzifəsinə dəyişdirilib.

18 oktyabr 1890-cı ildə yenidən həbsxana nəzarətçisi vəzifəsinə göndərilib.

Talıbxan bəy 31 mart 1892-ci ildə Göyçay qəzasının Bərgüşad nahiyəsinə polis pristavı təyin edilib. 1894-cü il sentyabrın 24-de Kürdəmir nahiyəsinə polis pristavı vəzifəsinə təyin olunub.1901-ci ilədək orada işləyib.Həmin il sentyabrın 21-də Bakı qəzasının Maştağa nahiyəsinə polis pristavı vəzifəsinə göndərilib.

Talıbxan bəy Talıbxanov 19 mart 1903-cü ildə Bakı qəzasının Bibiheybət nahiyəsində polis pristavı vəzifəsində çalışıb.1907-ci ilədək orada fəaliyyət göstərib. Həmin ilin 21 sentyabrında Göyçay qəzasının Kürdəmir nahiyəsinə köhnə vəzifəsinə qaytarılıb.1909-cu il yanvarın 1-də Göyçay qəza rəisinin müavini vəzifəsinə təyin edilib. 24 iyun 1910-cu ildə Bakı qəza rəisinin müavini vəzifəsinə dəyisilib.

T.Talıbxanov 1918–1920-ci illərdə, AXC dönəmində Şamaxı qəzasının rəisi vəzifəsində çalışıb.

T.Talıbxanov 1920-ci ildə Türkiyəyə mühacirət edib.Vəfat emə tarixi məlum deyil.

Talıbxan bəy Xeyrənsə xanım Məmiş bəy qızı Mirzəcamalova ilə ailə həyatı qurmuşdu. Hüseyn bəy adlı oğlu, Qəmər, Sürəyya,Sona və Dilşad xanım adlı qızları vardı...

RUHU ŞAD OLSUN!

Hazırladı: Namiq Həsənov

Həmçinin oxuyun