Pensiya və sosial yardımlarda artımla bağlı YENİ AÇIQLAMA

"Pensiya və sosial yardımlarla bağlı artımların bir qismi məhz qanunvericiliklə tənzimlənir. "Əmək pensiyaları haqqında" qanuna əsasən, hər ilin yanvar ayında əmək pensiyaları əvvəlki ilin orta aylıq əməkhaqqındakı artım faizinə uyğunlaşdırılaraq artır.

Bu sözləri BAKU.WS-ə açıqlamasında Milli Məclisin Əmək və sosial siyasət komitəsinin üzvü Vüqar Bayramov bildirib.

Deputat əlavə edib ki, 2025-ci ildə orta aylıq əməkhaqqında 9,2 faiz artım olacağı gözlənilir:

Həmçinin oxuyun

Azərbaycanda - 23 dərəcə şaxta olacaq: Yollar buz bağlayacaq 

Ülkər İsayeva bu vəzifəyə TƏYİNAT ALDI  - FOTO

"Elçin yıxıldı, anladım ki, ona güllə dəyib, ürəyindən..."- Müsahibə   

“20 Yanvar həm faciə, həm də milli istiqlaliyyət yolunda xalqımızın qətiyyətli mübarizəsinin simvoludur” – Millət vəkili   

"Rəsmi statistika yanvarın sonu fevralın əvvəlində elan olunacaq. Həmin statistikaya uyğun olaraq pensiya artımları reallaşacaq. Bu, o deməkdir ki, əgər orta aylıq əməkhaqqındakı artım 9,2 faiz olarsa, bu halda bütün növ əmək pensiyaları həmin faizə uyğun indeksləşdirilib artırılacaq. Bu, 1,2 milyon şəxsi əhatə etməklə bütün vətəndaşlarımıza şamil olunacaq. Yəni yaşa, əlilliyə və ailə başçısını itirməyə görə əmək pensiyaları alan vətəndaşlarımızın pensiya məbləğində artımlar müşahidə olunacaq.

Bu, pensiyaçılarımızın pensiya məbləğinin artırılması baxımından vacibdir və bütövlükdə hər bir pensiyaçı öz pensiya məbləğini indeksasiya faizi elan olunduqdan sonra hesablaya biləcək. Məsələn, 500 manatlıq pensiya alan vətəndaşımızda 46 manat pensiya artımının olacağı gözlənilir. Dəqiq rəqəm fevral ayının əvvəllərində elan olunacaq. Amma baxmayaraq ki, sərəncam fevral ayının əvvəlində imzalanır, amma artımlar yanvar ayından hesablanacaq.

Ehtiyac meyarı yanvardan etibarən məhz 300 manata çatdırılır. Bu isə ondan xəbər verir ki, növbəti il ünvanlı sosial yardım məbləği alan vətəndaşlarımızın yardım məbləğində, yəni büdcədən aldığı vəsaitdə artımlar olacaq. Söhbət yeni sosial yardım alan vətəndaşlarımızdan gedir. Belə ki, əgər sosial yardım alan vətəndaşımızın gəlirlərində dəyişiklik yoxdursa, yeni müraciət edirsə və müsbət cavab alırsa, bu halda onun sosial yardım məbləğində artımlar müşahidə olunacaq".