Vəsiyyəti ilə Fəxri Xiyabanda yox,həyat yoldaşının yanında dəfn olunan ALİM - HƏYAT HEKAYƏSİ

CƏMİYYƏT

997

25.12.2025, 16:33

Xəbərlərimizi Google-da izləyin

Yeniliklərdən dərhal xəbərdar olun

Bu gün məşhur Azərbaycan alimi, biologiya elmləri doktoru, professor mərhum Qara Mustafayevin doğum günüdür. Yaşasaydı, 94 yaşı tamam olacaqdı.

Oxu24.com xatırladır ki,Qara Mustafayev 25 dekabr 1931-ci ildə Kürdəmir rayonunda kolxozçu ailəsində anadan olub.

1954-cü ildə ADU-nun biologiya fakültəsini bioloq-zooloq ixtisası üzrə fərqlənmə diplomu ilə bitirib.

1954-1957-ci illərdə aspiranturada təhsil alıb. 1958-ci ildə elmlər namizədi (1958) və elmlər doktoru (1985) alimlik dərəcələrini və sonra professor elmi adını alıb. 1958-1960-cı illərdə AMEA-nın Zoologiya İnstitutunda elmi işçi, 1960-cı ildən ömrünün son illərinə qədər Bakı Dövlət Universitetinin Biologiya fakültəsində çalışıb.

Elmdə və təhsildəki xidmətlərinə görə o 30-dan çox tərifnamə, medal, fəxri fərman, diplom və digər mükafat və qiymətli hədiyyələrlə təltif olunub, Beynəlxalq Pedaqoji Elmlər Akademiyasının akademiki seçilib və "Şöhrət Ordeni"nə layiq görülüb. Ailəlidir, 3 övladı var.

Xatırladaq ki, mərhum Azərbaycanın dövlət televiziyasında yayımlanan “Təbiəti sevənlər” verilişinin aparıcısı kimi məşhur idi.

2018-ci ildə vəfat edib.

Hələ sağlığında vəsiyyət edir ki, onu Fəxri Xiyabanda yox, xanımımın məzarının yanında dəfn etsinlər.

O, hər 15 gündən bir xanımının məzarını ziyarət edərdi: "Hər gün xanımımın məzarını ziyarət etsəm, ağlaya-ağlaya səhərə qədər qəbirinin mərmərinin üstündə yatsam, o nisgilin yerini heç nə verməz”.

Sonuncu dəfə xanımının məzarını ziyarət edəndə deyir: "Sima, darıxma, yanına gələcəm”.

Tanınmış ziyalı can verəndə gəlininin əlini və üzünü öpür, halallıq istəyir.

Alim 64 ildə yığdığı şəxsi kitabxanasını universitetə bağışlamışdı.

Allah rəhmət etsin.

Hazırladı: Miri Məcidli

Yazıda Anar Tağıyevevin paylaşdığı məlumatlardan istifadə olunub.

Həmçinin oxuyun