Azərbaycan elminə ağır itki üz verib - FOTO

news/2025_12_11/1705904651_vefat_etdi_1765442096.jpg

CƏMİYYƏT

2644

25.12.2025, 10:55

Azərbaycan Dillər Universitetinin “Xarici dillərin tədrisi metodikası” kafedrasının dosenti Gülbəniz Camalova vəfat edib.

Oxu24.com xəbər verir ki,Gülbəniz Camalova 1963-cu il Qazax rayonunda anadan olub.

O, 1982-1987-ci illərdə Azərbaycan Dillər Universitenin fransız dili fakültəsini fərqlənmə diplomu ilə bitirib.

1999-cu ildən ADU–da fransız dilini tədris etməyə başlayıb.Azərbaycanda fransız dilinin qorunub saxlanılması, inkişafı və təbliği sahəsində müstəsna xidmətləri olan görkəmli alim, pedaqoq və ictimai xadim olub.

Həmçinin oxuyun

Altı gün sulu qar, qar yağacaq - XƏBƏRDARLIQ

Politoloqdan ŞOK AÇIQLAMA: Azərbaycan rəsmi şəkildə İrandakı proseslərə...

Baş nazirdən maaşlarla BAĞLI QƏRAR

Mahmud Abbasın 21 illik liderliyi: Erməniləri qardaş,bizi düşmən gözündə gördülər...

O, uzun illər Azərbaycan Dillər Universitetində (ADU) Xarici Dillərin Tədrisi Metodikası kafedrasında elmi-pedaqoji fəaliyyət göstərib, fransız dilinin ali və orta təhsil müəssisələrində tədrisinin inkişafı istiqamətində ardıcıl və məqsədyönlü işlər aparıb.

Gülbəniz Camalova fransız dilinin məktəblərdə və universitetlərdə tədrisinin qorunub saxlanılması və gücləndirilməsi üçün prinsipial mövqe nümayiş etdirib, bu sahədə maarifləndirmə və metodik dəstək fəaliyyətini daim ön planda saxlayıb.

Onun ADU-da fəaliyyəti xarici dillərin tədrisi metodikasının təkmilləşdirilməsinə, müasir yanaşmaların tətbiqinə və ixtisaslı kadr hazırlığına mühüm töhfələr verib.

O, eyni zamanda Azərbaycanda Fransız Dili Müəllimləri Assosiasiyasının (APFAZ) təsisçisi və prezidenti kimi böyük şərəf və məsuliyyətlə fəaliyyət göstərib.

APFAZ çərçivəsində Gülbəniz Camalova fransız dili müəllimlərinin peşəkar inkişafının dəstəklənməsi, onların birgə fəaliyyətinin təşkili və fransız dilinin ölkə üzrə yayılması istiqamətində çoxsaylı layihələrin həyata keçirilməsinə rəhbərlik edib.

Miri Məcidli