“Şəhid analarının səsi vətəndaş cəmiyyətində daha güclü eşidildi” - QHT sədri  

“Şəhid Analarına Dəstək” İctimai Birliyinin sədri, şəhid Əbdülməcid Axundovun anası Ceyran Həsənova QHT.az-a açıqlamasında bildirib ki, 2025-ci il vətəndaş cəmiyyəti üçün mühüm və yadda qalan hadisələrlə zəngin olub.

Onun sözlərinə görə, ilin ən əlamətdar hadisələrindən biri 24 noyabr 2025-ci il tarixində Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin təşkilatçılığı ilə keçirilən Türk Dövlətləri Təşkilatına üzv ölkələrin qeyri-hökumət təşkilatlarının Həmrəylik Forumu olub:

"Bu forum göstərdi ki Türk birliyinə gedən yol yalnız dövlətlərin iradəsindən deyil, həm də vətəndaş cəmiyyətlərinin həmrəyliyindən keçir. Bu baxımdan, Türk dövlətlərində fəaliyyət göstərən qeyri-hökumət təşkilatlarıı ilə əməkdaşlığa böyük önəm verir. 2025-ci ili uğurlu il hesab edirəm. Həm dövlətimiz, xalqımız üçün, həmdə rəhbəri olduğum təşkilatımız üçün uğurlu oldu. “Şəhid Analarına Dəstək” İctimai Birliyi Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin 2025-ci il qrant müsabiqəsinin qalibi olub. Bu il bizim təşkilat çoxlu sayda tədbirlərin təşkilatçısı və iştirakçısı olub.

 “Konstitusiya və Suverenlik ili“ çərçivəsində Apel döyüşləri şəhidlərinin qəhrəmanlığı” adlı layihəmizi bir neçə şəhər və rayonlarda - Sumqayıt şəhərində, Xaçmaz, Masallı və Qobustan rayonlarında yüksək səviyyədə keçirilməsini təmin etdik".

Həmçinin oxuyun

Prezidentdən məşhur Cavadzadələr ailəsinin oğlu ilə bağlı SƏRƏNCAM  

Prezidentdən Tağı Əhmədovun xanımı ilə bağlı SƏRƏNCAM

Prezident sərəncam İMZALADI

Yüksək vəzifə verilən İlqar Bayramlı kimdir?   —   DOSYE

QHT sədri qeyd edib ki, Beynəlxalq Muğam Mərkəzində layihədənkənar tədbirlərimizdən hesab edilən Aprel döyüşlərinin ildönümünə və şanlı Zəfərimizin 5 illiyinə həsr olunmuş “Qəhrəmanlar Anası” adlı ədəbi-bədii gecə keçirildi:

"Şanlı Zəfərimizin 5 illiyinə həsr olunmuş ”Şanlı Zəfər Tariximiz” adlı tədbirin Sumqayıt şəhərində, Abşeron və Xaçmaz rayonlarında keçirilməsini təmin etdik. Belə tədbirlərin keçirilməsində məqsəd  şəhidlərin əziz xatirəsini daim yaşatmaq, gənc nəslə qürur yerimiz olan şəhidlərimizi tanıtmaq, onları vətənpərvərlik ruhunda böyütmək, torpağına bağlı, xalqına hörmət hissi ilə tərbiyə etmək və eyni zamanda şəhidlik zirvəsinə yüksələn bu qəhrəmanları dünyaya gətirən müqəddəs varlıqları - şəhid analarını cəmiyyətimizə təqdim etməkdir".