Ən yüksək maaşlı ixtisaslar hansılardır?

CƏMİYYƏT

187

17.12.2025, 22:27

Ən perspektivli, yüksək maaşlı və cəmiyyətdə nüfuzlu hesab olunan ixtisaslar hansılardır?

Müasir əmək bazarında bəzi ixtisaslar həm gəlir səviyyəsi, həm də cəmiyyətdə qazandırdığı nüfuz baxımından xüsusi önəm daşıyır.

Oxu24.com xəbər verir ki,ekspertlərin fikrincə, aşağıdakı sahələr uzunmüddətli perspektivə malik, yüksək maaşlı və prestijli ixtisaslar hesab olunur:

Tibb sahəsi bu siyahıda öncül mövqedədir. Həkimlik ixtisasları daimi tələbatla yanaşı, yüksək məsuliyyət və ictimai hörmət qazandırır. Eyni zamanda Azərbaycanda həkim çatışmazlığı ciddi şəkildə görünür.

Hüquq sahəsi də cəmiyyətin əsas dayaqlarından biridir. Vəkil, hakim, prokuror və peşəkar hüquqşünaslar dövlət və özəl sektorda mühüm rol oynayır və yüksək nüfuza malikdirlər.

Son illərdə İT və texnologiya sahəsi sürətlə inkişaf edir. Proqramçı, data analitik, kiber təhlükəsizlik və süni intellekt üzrə mütəxəssislər həm yerli, həm də beynəlxalq bazarda yüksək maaşla qiymətləndirilir.

Mühəndislik və neft-qaz sektoru Azərbaycanda strateji sahə olaraq qalır. Neft, kimya, mexanika və enerji mühəndisləri ölkə iqtisadiyyatının əsas aparıcı qüvvələrindəndir.

Həmçinin oxuyun

Həmin oğlanın FOTOSU

Üzümüzdə təhlükə üçbucağı adlanan hissə hansıdır? — HƏKİM xəbərdarlıq edir

Bu halda işçinin əmək müqaviləsi ləğv edilə bilməz

Ən yüksək maaşlı ixtisaslar hansılardır?

Bundan əlavə, maliyyə və biznesin idarə olunması ixtisasları da yüksək gəlir imkanları yaradır. Bank işi, audit və maliyyə analitikası sahələrinə maraq artmaqdadır.

Beynəlxalq münasibətlər ixtisası isə dövlət qulluğu və beynəlxalq təşkilatlarda karyera qurmaq istəyənlər üçün nüfuzlu seçim hesab olunur.

Elm və akademik sahə ən vacib sahələrdən biri hesab olunur. Bu sahəni seçən şəxslər təhsilin, elmin və innovasiyanın inkişafında aparıcı rol oynayırlar.

Qeyd olunur ki, bu sahədə maaş artımı əsasən elmi dərəcə, akademik ad və beynəlxalq layihələrdə iştirakdan asılıdır.

Mütəxəssislər bildirir ki, bu ixtisaslar gələcəkdə də aktuallığını qoruyacaq və düzgün seçim edən gənclər üçün uğurlu karyera imkanları yaradacaq.

Hazırladı: Miri Məcidli