"Çempionlar Liqası kimi heyət" - Rəşad Məcidin bu paylaşımı viral oldu

$\"Çempionlar Liqası kimi heyət\" - Rəşad Məcidin bu paylaşımı viral oldu$

CƏMİYYƏT

824

17.12.2025, 11:51

Azərbaycan Yazıçılar Birliyinin sədr müavini,Mətbuat Şurasının Sədri,yazıçı,jurnalist Rəşad Məcidin sosial şəbəkə hesabında paylaşımı maraqla qarşılanıb.

Oxu24.com xəbər verir ki,Rəşad Məcid Azərbaycan poeziyasının ən görkəmli şəxsləri ilə birgə fotolarını paylaşaraq “Od kimi, su kimi köhnə” insanlarla şərhini yazıb.

Fotoda Azərbaycan Respublikasının Xalq yazıçısı və əməkdar elm xadimi Kamal Abdulla,Xalq şairi Ramiz Rövşən,Azərbaycan Yazıçılar Birliyinin sədri,Xalq yazıçısı Anar,Xalq şairi Sabir Rüstəmxanlı,Dünya şöhrətli professor Rafiq Əliyev və Azərbaycan Respublikasının əməkdar mədəniyyət işçisi Rəşad Məcid yer alıb.

Yazıçının bu postuna çoxsaylı şərhlər gəlib.

Ramidə Allahverdiyeva adlı izləyici "görəsən, 20, 30 il sonra belə sıraya düzüləcək yazıçı, şairlərimiz olcaq?" şərhini yazıb.

Digər sosial şəbəkə istifadəçisi Nailə Muradova "Azərbaycan Respublikası Ziyalılarının dəyərli inciləri.Nə yaxşı ki, varsınız..Hər birinizə ayrı-ayrılıqda can sağlığı, uzun ömür, xoşbəxtlik diləyirəm. Birlikdə 100 yaşayın" sözlərini yazıb.

"Çempionlar Liqası kimi heyət",- deyə Sənan Şəfizadə izləyici hisslərini bölüşüb.

"Tanrı bu "köhnə" insanlara sağlam ömür nəsib etsin,Dəyərlər,Seçmə kişilər..." kimi şərhlər də diqqəti çəkib.

Qeyd edək ki, Xalq şairi Ramiz Rövşənin 79 yaşı tamam olub.Qələm dostları bu münasibətlə bir araya gəlib.Sözügedən foto da həmin görüşdən çəkilib.

Miri Məcidli

Həmçinin oxuyun