Komitə sədrindən atası ilə bağlı PAYLAŞIM

CƏMİYYƏT

789

16.12.2025, 14:21

Xəbərlərimizi Google-da izləyin

Yeniliklərdən dərhal xəbərdar olun

Milli Məclisin Ailə, qadın və uşaq məsələləri komitəsinin sədri, siyasi elmlər doktoru, professor Hicran Hüseynova atasının anım günündə onun məzarını ziyarət edib.

Oxu24.com xəbər verir ki, Hicran Hüseynova bu barədə sosial şəbəkə hesablarında paylaşım edib.

"Bugün əziz atam, Azərbaycanın görkəmli ictimai-siyasi və dövlət xadimi, “Şöhrət” ordeni laureatlı Kamran Hüseynovun anadan olmasının 112-ci ildönümüdür. Hər il olduğu kimi, bu ildə atamın məzarını ziyarət etdik, abidəsinin önünə gül dəstələri qoyaraq ruhuna dualar oxuduq.

Kamran Hüseynov, yalnız Azərbaycan üçün deyil, həm də tarixində mühüm yer tutmuş, Ümummilli Llider Heydər Əliyevin yaxın silahdaşlarından biri olmuşdur. Ulu Öndərin rəhbərliyi ilə ölkəmizdə həyata keçirilən tarixi islahatlarda, dövlətin quruculuğu və inkişafında Kamran Hüseynovun müstəsna xidmətləri olmuşdur. O, həmçinin, Heydər Əliyevin ideyalarına sadiq qalaraq Azərbaycanın müstəqilliyinin qorunmasında və inkişafında mühüm rol oynamış, hər zaman xalqına və dövlətinə dərin məhəbbətini göstərmişdir.

Atamın həyatı və fəaliyyəti, xalqımızın böyük oğlu Ulu Öndər Heydər Əliyevin göstərdiyi uzaqgörən siyasi xəttin düzgünlüyünü təsdiqləyən ən gözəl nümunədir. Onun nurlu xatirəsi bu gün də bizlərə yol göstərir, Azərbaycanın gələcəyinə inamımızı artırır. Ümummilli Llider Heydər Əliyevin və Kamran Hüseynovun vətənpərvər ruhu və mübariz irsi gələcək nəsillər üçün daima əziz və unudulmaz olacaq. Onların xatirəsi həmişə bizimlədir",-deyə komitə sədri paylaşımında qeyd edib.