Sabiq nazirin bacısı qızı olan rektor kimdir?  - UNİVERSİTETİN CAVABI

Araşdırmamızda bu dəfə Azərbaycan Universiteti var.

Oxu24.com  xəbər verir  ki, bu ali təhsil müəssisəsinə hazırda Səadət Əliyeva rəhbərlik edir.

Səadət Namiq qızı Əliyeva 13.09.1986-cı ildə Bakı şəhərində anadan olub.

1993-2001-ci illərdə Nəsirəddin Tusi adına ingilisdilli gimnaziyada təhsil alıb. 2004-cü ildə Binəqədi rayonu 144 nömrəli məktəbi bitirib.

Ali təhsilin həm bakalavriat, həm də magistratura səviyyəsini fərqlənmə diplomu ilə bitirib. 2008-ci ildə Azərbaycan Dillər Universitetindən Filologiya (ingilis dili müəllimi) ixtisası üzrə bakalavr dərəcəsi, 2011-ci ildə Azərbaycan Dillər Universitetindən Dilşünaslıq (ingilis dili) ixtisası üzrə magistr dərəcəsi alıb.

Səadət Əliyeva əmək fəaliyyətinə 2008-ci ildə Azərbaycan Universitetində başlayıb. 2008–2009-cu illər arasında Dillər kafedrasında laborant, 2009–2013-cü illər arasında Dillər kafedrasında müəllim vəzifəsində çalışmışdır. 2013–2017-ci illərdə Dillər kafedrasında müdir müavini olaraq fəaliyyət göstərib. 13 mart 2017-ci ildən Azərbaycan Universitetinin rektorudur.

Ailəlidir, dörd övladı var.

8 ildir ki, Azərbaycan Universitetinin (AU) rektoru vəzifəsində çalışır.

Həmçinin oxuyun

AMEA açıqlama yaydı, İsa Həbibbəylini rüsvay etdi 

Bank aliment pulunu kredit borcuna görə tuta bilərmi? – Hüquqşünas açıqladı  

Tərxis olunan hərbi qulluqçular üçün MÜHÜM XƏBƏR: Müddət uzadıldı  —  RƏSMİ

Azərbaycanlı ekspert Rusiyanın ŞOK PLANININ üstünü açdı: Rəqəmlər nə deyir?

Qeyd edək ki, Səadət Əliyeva sabiq mərhum  nazir Fazil Məmmədovun bacısı qızıdır. Səadət Əliyevanın yüksəlişində sabiq nazirin əməyi böyük olub. Nüşabə Quliyeva universitetin rektor müşaviridir. O,idarəçilikdə əsas rol oynayan şəxslərdəndir.

Xəbər  əlavə olunub:  17.12.2025

Qeyd olunan informasiya saytda yayımlandıqdan sonra Azərbaycan Universiteti tərəfindən  Oxu24.com-a yazılı müraciət daxil olub.

Universitetin rektoru Səadət Əliyevanın imzası ilə daxil olan məktubda Azərbaycan Universitetinin yazının son abzasında yer alan Nüşabə Quliyevanın idarəçilikdə  fəal  iştirak etməsi hissəsinə etiraz edildiyi qeyd olunub.Universitet bu məlumatın doğru olmadığını bildirib.

Hazırladı: Nigarxanım