Gültəkin Hacıbəylinin polis bölməsindən  GÖRÜNTÜLƏRİ YAYILDI

Xəbər verdiyimiz kimi,keçmiş deputat Gültəkin Hacıbəyli Türkiyədə saxlanılıb.

Onun Ramiz Mehdiyevlə bağlı saxlanıldığı deyilir.

Oxu24.com xəbər verir ki,Gültəkin Hacıbəyli İstanbulda polis məntəqəsində (karakol) saxlanılıb.

Onun polis məntəqəsindən görüntüləri yayılıb.

Gültəkin Hacıbəylinin hazırda Azərbaycanada deportasiya olunması gözlənilir.

Qeyd edək ki,Oxu24.com saytı Gültəkin Hacıbəylinin Türkiyəyə qaçması barədə məlumat yaymışdı.Bu qaçma Ramiz Mehdiyevin həbsi ilə bağlı idi.Mənbənin saytımıza verdiyi məlumata görə,Hacıbəyli Bakıdan qaçarkən saçını belə daramağı unutmuş,hətta,çemodanının birini  Ramiz Mehdiyevdən hədiyyə aldığı evin həyətində unudubmuş...

 Oxu24.com saytı Gültəkin Hacıbəylinin Ramiz Mehdiyevin tikdirdiyi binalarda mülklərə sahib olması barədə faktlar yaymışdı.

Söhbət  Nəsimi rayonu,Dilarə Əliyeva küçəsi  251 A ünvanında yerləşən  çoxmərtəbəli  yaşayış  kompleksindən gedir. Həmin binaların  Ramiz  Mehdiyevə  məxsus  olması  heç kəsə sirr deyildir.Bu həm sənədlərlə,həm də,həmin  binada yaşayan sakinlərin  ifadələri ilə öz təsdiqini tapır.El arasında da sözügedən tikililər  “Ramiz Mehdiyevin evləri” adlandırılır.Həmçinin Ramiz Mehdiyevə məxsus olduğu  deyilən  bir  neçə  şirkətin də  hüquqi  ünvanı  məhz  bu   küçədə yerləşən mənzil göstərilir.

Həmçinin oxuyun

Pensiya ilə bağlı VACİB XƏBƏR 

Toyuq ətinin rəngi nəyi göstərir?  - VACİB MƏLUMAT 

Vəkil Esmira Rzayeva: Penitensiar Xidmət müstəqil status ala bilər  

Prezidentdən deputatın oğlu ilə bağlı SƏRƏNCAM 

Məlum olur ki, R.Mehdiyev  Gültəkin Hacıbəylini “mükafatlandırmaq” məqsədi ilə  bina tikilən ərəfədə,2005-ci ildə  ona  iki  mənzil həddiyə edib. Bina istismara verilən  tarixdən  Hacıbəyli orada yaşasa da,evin sənədləşməsi və çıxarışların alınması  2008-ci ilə təsadüf edir.Həmin mənzillərdən biri  Gültəkin Hacıbəylinin atası Yunis Hacıyevin adındadır.Söhbət  həmin ünvanda yerləşən  179.4  kv.m  sahəsi olan  183  nömrəli mənzildən gedir.Əldə etdiyimiz məlumata görə,G.Hacıbəyli sözügedən mənzili  hazırda yüksək məbləğə  kirayə verib.

Eyni  binanın 13-cü mərtəbəsində G.Hacıbəyliyə  xüsusi “xidmətlərinə” görə, “boz kardinal” tərəfindən daha bir mənzil  bağışlanıb. Bu mənzil isə Hacıbəylinin bacısı Aytən Hacıyevanın adına rəsmiləşdirilib. 178.18 kv.m  sahəsi olan, 4 otaqlı  mənzildə   G.Hacıbəyli özü tək yaşayır.

Gültəkin Hacıbəyli ittihamlar fonunda özünü təmizə çıxarmağa çalışır.Facebookda yazdığı statusda Ramiz Mehdiyevlə əlaqəsi olanları şərəfsiz adlandırır.Bunu yazan jurnalistləri "zırnalist" adlandırır və s.

Ortada bir sual hələ də açıq qalır: Ramiz Mehdiyevin tikdirdiyi binalarda Gültəkin Hacıbəyli milyonluq mülklərə necə sahib olub?Bu suala cavab tapmaq elə bütün qaranlıq məqamlara işıq salmaq deməkdir.Əgər,Gültəkin Hacıbəyli bu tarixçəni unudubsa,ona xatırlatma edə bilərik.Oxu24.com həmin mülklərin necə və hansı işin müqabilində əldə edilməsi barədə məlumatlar əldə edib.Yeri gəldikcə,yeni faktlar ictimaiyyətə açıqlanacaq.

Qaldı ki,hər zaman demokratiyadan,azadlıqdan,tənqidə açıq olmaqdan dəm vuran Hacıbəylinin dəm olub  jurnalistləri və Oxu24.com saytının əməkdaşlarını "zırnalist" adlandırmasına...Bu ifadələrə görə,o qanun qarşısında cavab verə bilər.Oxu24.com həmin statusla bağlı hazırda hüquqşünaslarla  məsləhətləşmələr aparır.Yaxın zamanda sözügedən status və ifadələrlə bağlı məhkəməyə müraciət olunacağı istisna edilmir.

Hazırladı: Miri Məcidli

Oxu24.com saytının baş redaktoru