Ucarda yol qəzasında 3 nəfər xəsarət alıb
20 Noyabr 2026, 12:11
Qaynar xətt:
(+99450) 247 90 86
CƏMİYYƏT
1026
24.01.2025, 22:19
Azərbaycanda ilk dəfə meymunçiçəyinə yoluxma faktını aşkarlayan, dermatoloq, uzman həkim Mehdi İskəndərli Lent.az-a açıqlamasında meymunçiçəyi virusunun cinsi yolla yayıldığını deyib. Belə çıxır ki, turist kimi xaricə gedən azərbaycanlı orda eyni virusu daşıyan şəxslə yaxınlıq edib.
Bu, ortaya bəzi məsələləri çıxarır. Yəqin ki, ölkəyə gələn turistlər arasında da ağır virus daşıyıcısı olanlar var. Azərbaycandakı turistlərin testdən keçməsi üçün addımlar atıla bilərmi?
Eləcə də başqa ölkələrə gəzməyə gedən azərbaycanlılar vətənə döndükdən sonra onlara məcburi test etdirmək mümkündürmü? Qanunvericilik buna imkan tanıyırmı?
OXU24.COM xəbər verir ki, Globalinfo.az-a danışan infeksionist Mərdan Əliyevin sözlərinə görə, əsasən meymunçiçəyi xəstəliyinə cinsi yolla yoluxma baş verir.
Onun sözlərinə görə, insan birbaşa cinsi yolla yoluxmur:
“Cinsi əlaqə zamanı sağlam dəri ilə yaralı dəri təması nəticəsində xəstəliyə yoluxulur. Bəzi ölkələrdə test təcrübələri var. Ölkədən çıxanları, ölkəyə qayıdanları yoxlayırlar. Burada da bunu etmək mümkündür. Amma bu, əlavə vaxt, enerji tələb edən bir məsələdir. Həm də qanunda öz əksini tapmalıdır. Lakin nə dərəcədə labüddür, bilmirəm. Onsuz da gedib-gələnlər öz sağlamlıqları üçün fərdi şəkildə bunu etməlidir”.
İnfeksionist deyib ki, insan özü ehtiyatlı olsa, meymunçiçəyi xəstəliyindən qorunmaq çox asandır:
"Çünki şəxsin kənardan asanlıqla xəstə olduğu bilinir. HİV cinsi əlaqə yolu ilə ötürülən xəstəliklərdən biridir. Burada da müəyyən qaydalara riayət etməklə qorunmaq olur. Məsələn, Hepatit B, bakteriya xəstəlikləri də var ki, bu da cinsi yolla yoluxur. Amma bunlar o qədər də təhlükə törətmir, müalicədən sonra da asanlıqla sağala bilir. Testə gəldikdə isə, bunun üçün qanunda dəyişikliklər olunmalıdır. Bunun nə qədər önəmli olacağını bilmirəm”.
12:30 / 20 Noyabr 2026
1
12:23 / 20 Noyabr 2026
66
12:11 / 20 Noyabr 2026
48
11:43 / 20 Noyabr 2026
83
11:42 / 20 Noyabr 2026
161
11:36 / 20 Noyabr 2026
79
11:20 / 20 Noyabr 2026
103
11:05 / 20 Noyabr 2026
81
11:03 / 20 Noyabr 2026
99
11:01 / 20 Noyabr 2026
93
10:49 / 20 Noyabr 2026
125
10:40 / 20 Noyabr 2026
95
10:20 / 20 Noyabr 2026
104
10:20 / 20 Noyabr 2026
96
10:16 / 20 Noyabr 2026
110
10:10 / 20 Noyabr 2026
159
10:10 / 20 Noyabr 2026
100
10:03 / 20 Noyabr 2026
375
10:00 / 20 Noyabr 2026
164
10:00 / 20 Noyabr 2026
137
09:51 / 20 Noyabr 2026
113
09:46 / 20 Noyabr 2026
117
09:41 / 20 Noyabr 2026
123
© 2026 Oxu24.com Müəllif hüquqları qorunur.