Azərbaycanda QAR YAĞIR
22 Noyabr 2026, 11:12
Qaynar xətt:
(+99450) 247 90 86
CƏMİYYƏT
1984
06.11.2024, 14:31
Daxil olan müraciət əsasında Göygöl rayonu, Quşqara kəndində yerləşən, “Demonn” MMC-yə məxsus alkoqollu içkilərin istehsalı müəssisəsində Qida Təhlükəsizliyi Agentliyinin əməkdaşları tərəfindən plandankənar yoxlama keçirilib.
Ajans.az-ın əldə etdiyi məlumata görə, baxış zamanı “Demonn” MMC-nin sifarişi əsasında satışı həyata keçirilən viski məhsulunun qida təhlükəsizliyi qeydiyyatından keçmədən qanunsuz olaraq fəaliyyət göstərən “Quseynoff” MMC-də istehsal edildiyi məlum olub.
“Quseynoff” MMC-nin direktoru izahatında viskini özü hazırladığını və mənşəyi, keyfiyyəti, təhlükəsizliyini təsdiq edən sənədlərinin olmadığını bildirib. Məhsulun etiketində heç bir əsas olmadan guya Şotlandiyada istehsal edilən viskilərin texnologiyasına uyğun olaraq istehsal edildiyi və palıd çəlləklərdə 12 il saxlandığı qeyd edilib.
Müəssisədə sifariş əsasında satışı həyata keçirilən “Quseynoff” əmtəə nişanlı viski məhsulundan və “Demonn” MMC-yə məxsus 19.09.2024-cü il istehsal tarixli “Organic River”, 31.08.2024-cü il istehsal tarixli “Time Vodka” əmtəə nişanlı araq məhsullarından nümunələr götürülərək Qida Təhlükəsizliyi İnstitutunun müvafiq laboratoriyasına təqdim olunub.
Laborator müayinələr nəticəsində “Quseynoff” əmtəə nişanlı viski məhsulunda sivuş yağlarının və mürəkkəb efirlərin kütlə qatılığı üzrə uyğunsuzluq aşkarlanıb. “Organic River” və “Time Vodka” əmtəə nişanlı araq məhsullarında isə tündlülük göstəricisi üzrə etiket məlumatlarında uyğunsuzluq müəyyən olunub.
Faktla bağlı qanunvericiliyə uyğun olaraq, “Organic River” və “Time Vodka” əmtəə nişanlı araq məhsullarının satışı dayandırılıb, “Quseynoff” əmtəə nişanlı viski məhsulunun satışı qadağan edilib və dövriyyədən çıxarılaraq müvafiq tədbirlər görülüb. İş üzrə toplanmış materiallar məsələyə hüquqi qiymət verilməsi üçün aidiyyəti dövlət orqanına göndərilib.
Araşdırmalar davam etdirilir.
Qeyd edək ki, sözügedən “Quseynoff” MMC-nin qanuni təmsilçisi Hüseynov Emin Zahid oğlu bir müddət əvvəl Baboşa son model “Range Rover” hədiyyə etməsi ilə gündəmə gəlmişdi.
Bundan əlavə, yerli mediada və sosial şəbəkələrdə yayılan məlumatlara görə, Emin Hüseynov bir müddət əvvəl Babək Cabbarovun (Baboş) yaşadığı Bərdə rayonuna gedib.
“Baboş”un milyonçu dəstəkçisi kimi tanınan Emin Hüseynov “TikTok”da “Quseynoff_009” ləqəbi ilə tanınır.

11:12 / 22 Noyabr 2026
1
10:51 / 22 Noyabr 2026
116
10:47 / 22 Noyabr 2026
92
10:38 / 22 Noyabr 2026
85
10:16 / 22 Noyabr 2026
444
09:15 / 22 Noyabr 2026
708
08:56 / 22 Noyabr 2026
300
01:34 / 22 Noyabr 2026
207
01:33 / 22 Noyabr 2026
177
23:53 / 21 Noyabr 2026
960
23:41 / 21 Noyabr 2026
312
23:11 / 21 Noyabr 2026
1670
23:00 / 21 Noyabr 2026
188
22:47 / 21 Noyabr 2026
570
22:32 / 21 Noyabr 2026
242
22:20 / 21 Noyabr 2026
748
22:02 / 21 Noyabr 2026
646
21:49 / 21 Noyabr 2026
205
21:32 / 21 Noyabr 2026
742
21:27 / 21 Noyabr 2026
221
21:20 / 21 Noyabr 2026
204
21:17 / 21 Noyabr 2026
1057
20:49 / 21 Noyabr 2026
1412
© 2026 Oxu24.com Müəllif hüquqları qorunur.