Yeni xəstəlik yayılır: Quşlardan insanlara keçir

Rusiyada Honq-Konq qripi yayılıb.

Honq-Konq qripinin ştammı adi qripdən heç də fərqlənmir.

Oxu24.com xəbər verir  ki,Qamaleya Epidemiologiya və Mikrobiologiya Araşdırma Mərkəzinin baş elmi işçisi Anatoli Altşteyn bu barədə Zvezda ilə söhbətində bildirib.

Rusiya bölgələrində bir neçə xəstəyə qripin bu xüsusi ştammı diaqnozu qoyulub  və bu, narahatlıq doğurub.

Lakin ekspert ictimaiyyəti sakitləşdirməyə çalışıb. O bildirib ki, həkimlər Honq-Konq qripi virusunun ştammını yaxşı öyrəniblər, çünki ötən əsrin ortalarında - 1968-ci ildə artıq epidemiya var idi. Həkimin sözlərinə görə, Honq-Konq rütubətli iqlimə, yüksək əhali sıxlığına və quşların aktiv çoxalmasına görə virusların inkişafı üçün əlverişli yerdir. Quşlar Honq-Konq qripi virusu da daxil olmaqla bir sıra xəstəliklərin daşıyıcısı olub.

Buna baxmayaraq, indi xəstəlik COVID-19-dan təxminən on dəfə az təhlükəlidir. Rusiyada icbari tibbi sığorta çərçivəsində pulsuz verilə bilən adi peyvənd ağır Honq-Konq qripindən qoruyacaq.

“Hər hansı bir qrip kimi, Honq Konq qripi də ağır ola bilər, lakin yaxşı xəbər odur ki, Honq Konq qripi aşağı ölüm nisbətinə malikdir. Eyni zamanda, uşaqlar və yaşlılar üçün təhlükəlidir, çünki ciddi fəsadlar yarada bilər. Düşünmürəm ki, bu il böyük epidemiya və ya pandemiyaya çatacaq”, - ekspert “Novıe İzvestiya”ya deyib.

Oktyabrın sonunda Rusiyanın səhiyyə naziri Mixail Muraşko ölkənin bir sıra regionlarında qrip və Covid-ə yoluxma hallarının artdığını bildirib. O, qripə qarşı vaxtında peyvənd etməyə çağırıb.

Bundan əvvəl Ümumdünya Səhiyyə Təşkilatı (ÜST) dünyada pandemiyanın qarşısının alınması imkanlarını qiymətləndirib.

 

Müəllif:Nigar