Bakı 28°C
USD - 1.7010
EUR - 1.9120
RUB - 0.026
27443
az

Koronovirusa yoluxduğumuzu necə bilək?

01:1328 Mart, 2020
2471
TİBB
  • A

Koronavirus xəstəliyinin (COVID-19) gedişi yüngül simptomlardan ağır xəstəlik formalarına qədər dəyişir.

Əgər siz COVID-19 virusunun təsirinə məruz qaldığınızı guman edirsinizsə və sizdə qızdırma, öskürək və tənəffüsün çətinləşməsi kimi simptomlar əmələ gəlibsə, təcili tibbi yardıma (103 və ya 113) müraciət edin.

Aşağıdakı simptomlar virusa yoluxduqdan sonra 2-14 gün ərzində üzə çıxa bilər*.

qızdırma
öskürək
tənəffüs çətinliyi
Əgər xəstələnmisinizsə

Əgər COVID-19 virusuna yoluxmusunuzsa və ya yoluxduğunuzu ehtimal edirsinizsə, xəstəliyin evinizdə və yaşadığınız ərazidə (icmada) insanlara yayılmasının qarşısını almaq üçün müvafiq tədbirlər görməlisiniz.

Əgər COVID-19-a yoluxduğunuzu düşünürsüzsə və ya sizdə öskürək, tənəffüs çətinliyi, qızdırma kimi simptomlar varsa, məsləhət almaq üçün ərazi üzrə poliklinika həkimi və ya ailə həkiminizə müraciət edin.

Təlimatlara riayət edin. Əgər COVID-19-a yoluxduğunuz təsdiqlənibsə və ya virusa yoluxduğunuzu guman edirsinizsə, xəstəliyin ailənizə və ya ətrafdakılara yoluxmaması üçün aşağıdakılara riayət edin:

Tibbi yardım almaq halları istisna olmaqla evdə qalın

Evdə qalın: Tibbi yardım almaq halları istisna olmaqla evdə qalın. Koronavirus infeksiyası təsdiqlənmiş, lakin simptomsuz və ya yüngül simptomları olan xəstələr bu müddət ərzində həkim nəzarəti altında ev şəraitində qala bilər (Nazirlər Kabineti yanında Operativ gərargahın qərarı əsasında). Bu zaman evinizdən kənardakı fəaliyyətinizi məhdudlaşdırın və tibbi yardım istisna olmaqla, bayıra çıxmayın.
İctimai yerlərdən uzaq olun: Vacib olmadıqca, məktəbə və ya digər ictimai yerlərə getməyin.
İctimai nəqliyyatdan istifadə etməyin: İctimai nəqliyyat, ortaq minik vasitələri və ya taksidən istifadə etməyin. Özünüzü evinizdəki digər insanlardan və heyvanlardan təcrid edin.
Digər şəxslərdən uzaq durun: Mümkün olduğu qədər evinizdə xüsusi bir otaqda qalın və digər şəxslərlən uzaq durun. Bundan başqa, əgər varsa ayrı vanna otağından istifadə edin.
Ev heyvanları ilə təması məhdudlaşdırın: COVID-19-a yoluxmusunuzsa ətrafınızdakı digər insanlarla olduğu kimi ev heyvanları və ya digər heyvanlarla təmasınıza da məhdudiyyət qoymalısınız. Ev heyvanları və ya digər heyvanların koronavirusa yoluxduğu faktı qeydə alınmasa da, bu virus haqqında daha çox məlumat əldə edilənədək COVID-19 aşkarlanmış şəxslərin heyvanlar ilə də təmasdan çəkinmələri məsləhət görülür.
Əgər mümkünsə xəstə olduğunuz müddətdə heyvanlarınıza başqa şəxs qulluq göstərsin. COVID-19-a yoluxmusunuzsa, ev heyvanları ilə təmasdan, o cümlədən sığallamaq, yanınızda yatmaq, öpmək və ya yalamaq, qidanızı paylaşmaqdan çəkinin. Xəstə olduğunuz müddətdə ev heyvanınızın və ya ətrafınızdakı heyvanların qayğısına qalmaq məcburiyyətindəsinizsə, onlarla təmasdan öncə və sonra əllərinizi yuyun, qoruyucu maska taxın.
 

Xəstəsinizsə qoruyucu maska taxın

Xəstə olduğunuz halda: Digər insanların və ya ev heyvanlarının əhatəsində olduğunuz zaman (məsələn eyni otaqda və ya minik avtomobilində) və tibb müəssisəsinə daxil olmazdan öncə tibbi maska geyinin, əllərinizlə əşyalara və digər şəxslərə toxunmaqdan çəkinin, ictimai yerlərə daxil olarkən əllərinizi ən azı 70% spirt tərkibli məhlullarla təmizləyin.
Digərlərinin qayğısına qalırsınızsa: Əgər xəstə olan şəxs maska geyinə bilmirsə (tənəffüs çətinliyi və ya digər səbəbdən), o zaman həmin şəxslə yaşayan digər insanlar onunla eyni otaqda qalmamalı və ya eyni otağa daxil olan zaman maska taxmalıdır.
 

Şəxsi məişət əşyalarınızı paylaşmayın

Paylaşmayın: Eyni qablardan, stəkan, fincan, yemək qablarından, dəsmallardan və ya yataqdan evinizdəki digər insan və ya ev heyvanları ilə birgə istifadə etməyin.
İstifadədən sonra yaxşıca yuyun: Həmin əşyalardan istifadə etdikdən sonra, onları sabun və su ilə yaxşıca yuyun.
 

Xəstələndikdə nə etməli.

Hərarət (38°C və ya daha yüksək), öskürək və/və ya tənəffüs çətinliyiniz varsa:

Təcili tibbi yardıma (103 və ya 113) müraciət edin. Həkim müayinəsinə və ya təcili tibbi yardım müəssisəsinə getməzdən öncə zəng edib xəbərdarlıq edin, simptomlarınız və şübhələriniz barədə tibb işçisini məlumatlandırın.
Digər insanlarla təmasdan çəkinin.
Dializ kimi digər səbəblərə görə tibbi yardıma ehtiyacınız varsa, öncədən dializ aparan tibb müəssisəsinə və ya həkiminizə zəng edin və COVID-19 yayılmış ölkəyə yaxınlarda etdiyiniz səfər və ya yaşadığınız icmada COVİD-19 hallarının yayılması barədə məlumat verin.

Oxu24.com

ŞƏRHLƏR

BÖLMƏNİN ÇOX OXUNANLARI

Kişmiş suyunun sağlamlığa faydaları
Corabınızın içərisinə soda tökün və geyinin - Görün,hansı xəstəliyi müalicə edirmiş
Qaraciyərin Öldüyünü Göstərən 9 Əlamət! AYAQLARA DİQQƏT

Almaniyada nadir Roma döyüşçü ayaqqabıları tapıldı

18+

Arvadının videosunu ona göstərən kəndlisini öldürdü - TƏFƏRRÜAT
Gəlin maşınında faciə yaşandı: Uşaq öldü +VİDEO
Sumqayıtda "Zaman maşını”nın, itmiş və parallel dünyanın olduğu yer -“Qurd dərəsi”
Kişmiş suyunun sağlamlığa faydaları
Bakıda qardaş bacısını boğaraq öldürdü