Aspirin içənlərin NƏZƏRİNƏ: İnfarktdan qoruyur, yoxsa beyin qanaması yaradır?

TİBB

313

02.09.2026, 17:55

Xəbərlərimizi Google-da izləyin

Yeniliklərdən dərhal xəbərdar olun

Müasir dövrdə ürək-damar xəstəlikləri dünyada və ölkəmizdə ən çox ölümə səbəb olan sağlamlıq problemləri arasında ilk sıralarda yer alır. Bu səbəbdən bir çox insanlar infarkt və ya insult riskindən qorunmaq məqsədilə həkim tövsiyəsi olmadan, özbaşına profilaktik həblərdən, xüsusilə də gen-bol istifadə edilən aspirindən yararlanmağa çalışırlar.

Oxu24.com xəbər verir ki,cəmiyyətdə hər gün aspirin qəbul etməyin infarkt riskini tamamilə sıfırladığına dair geniş yayılmış yanlış bir inanc mövcuddur. Lakin mütəxəssislər xəbərdarlıq edirlər ki, kontrolsuz və əsassız şəkildə qəbul edilən bu preparat gözlənilən fayda əvəzinə orqanizmdə bərpa olunmaz ağır fəsadlar törədə bilər. Xüsusilə müayinə olunmadan, damarlarında hər hansı bir daralma və ya xəstəlik təsbit edilməyən şəxslərin profilaktik məqsədlə aspirin istifadə etməsi elmi baxımdan öz təsdiqini tapmayıb. Əksinə, belə nəzarətsiz qəbullar daxili qanaxmalara, o cümlədən mədə və beyin qanamaları kimi həyati təhlükə saçan ağır nəticələrə yol aça bilər.

Aspirin şübhəsiz ki, insanlığın ən əhəmiyyətli kəşflərindən biridir. Ürək və beyin-damar xəstəliklərindən ölümləri azaltmaqda və insan ömrünü uzatmaqda aspirin qədər effektiv bir dərman yoxdur. Ancaq gələcəkdəki ürək, beyin və damar xəstəliklərini önləmək üçün profilaktik olaraq aspirinin istifadəsi sübuta yetirilməmişdir.

Hətta tam tərsi, aspirinin profilaktik olaraq istifadə edilməsi hər min nəfərdən bir neçəsində mədə, bir neçəsində də beyin qanamasına səbəb olur. Onun üçün həkiminiz məsləhət görmədiyi müddətdə – yəni damarda daralma olduğunu bilmədiyiniz müddətdə – qoruyucu olaraq aspirin istifadə etməyinizin sizə heç bir faydası yoxdur.

Həmçinin oxuyun