Şokolad kistası nə zaman əməliyyat olunmalıdır? — Həkim-mütəxəssisdən MÜHÜM XƏBƏRDARLIQ  

Qadın sağlığı və reproduktiv sağlamlıq sahəsində ən çox rast gəlinən problemlərdən biri də endometrioid, xalq arasında isə "şokolad kistası" kimi tanınan patologiyadır. Bu xəstəlikdən əziyyət çəkən bir çox qadınları ən çox düşündürən məsələ kistanın mütləq cərrahi yolla kənarlaşdırılmasının vacib olub-olmamasıdır. Mütəxəssislər bildirirlər ki, hər şokolad kistası olan pasiyent dərhal əməliyyat masasına əyləşdirilməməlidir. Cərrahi müdaxilə qərarı verilərkən kistanın ölçüsü ilə yanaşı pasiyentin yaşı, kəskin şikayətlərinin varlığı və analıq planları kimi bir çox vacib faktorlar nəzərə alınmalıdır. Xüsusilə gələcəkdə övlad sahibi olmaq istəyən qadınlar üçün bu cür əməliyyatların müəyyən riskləri mövcuddur. Mövzu ilə bağlı ətraflı məlumatı Oxu24.com-a həkim-ginekoloq Aygün Osmanova verib. 

Müsahib bildirib ki, izləyicilərimizdən tez-tez şokolad kistasının hansı hallarda əməliyyat olunmalı olduğu ilə bağlı suallar alırıq. Burada təkcə kistanın (endometrioid kistanın) ölçüsü əsas meyar deyildir, bir çox faktorları kompleks şəkildə nəzərə almaq lazımdır:

“İlk olaraq, xəstənin kəskin şikayətlərinin olub-olmaması yoxlanılmalıdır. Əgər kistanın burulması və ya daxili qanaxma kimi kəskin əlamətlər müşahidə olunursa, bu halda cərrahi əməliyyat mütləq göstərişdir.

Bundan başqa, xəstənin yaşı, ana olmaq istəyi və ultrasəs müayinəsində kistanın bədləşmə (bədxassəli şişə çevrilmə) potensialının olub-olmaması nəzərə alınır. Bədləşmə riski olduqda da endometrioid kistalar əməliyyat olunmalıdır”.

Həkim qeyd edib ki, əsas nüanslardan biri də süni mayalanma (EKO) planlaşdıran qadınlarla bağlıdır. Əgər kista yumurta toplanması prosesinə mane olursa, bu zaman əməliyyat icra edilir. Əks halda, əgər xəstənin ana olmaq istəyi varsa və kistanın ölçüsü çox böyük deyilsə, əməliyyat olunmamaq daha məsləhətdir. Çünki yumurtalıqda aparılan hər bir cərrahi əməliyyat yumurta hüceyrələrinin keyfiyyətini və ehtiyatını aşağı salır.

Həmçinin oxuyun

Xan ilk dəfə danışdı: Nigarla nişan niyə pozulub? (VİDEO)

Vilayət Eyvazov TDT ölkələrinin daxili işlər nazirlərinin iclasında iştirak etdi - FOTO 

Maaş və pensiyalarla bağlı müjdə: artım olacaq – Konkret tarix bilindi 

Bakıda 3 saat işıq olmayacaq