Baş ağrıları: miqren yoxsa gərginlik?

news/2026_01_20/17621154392715735371_1200x630_1768933218.jpeg

TİBB

470

20.01.2026, 22:14

Gündəlik həyatda çox insanın qarşılaşdığı problemlərdən biri də baş ağrılarıdır. Xüsusilə alın və təpə bölgəsində yaranan sıxıcı, yandırıcı ağrılar insanı ciddi narahat edə bilər. Çox zaman insanlar belə halları miqren ağrısı ilə əlaqələndirir, lakin əslində səbəblər fərqli ola bilər. Baş ağrılarının növünü düzgün müəyyən etmək həm həyat keyfiyyətinə, həm də müalicəyə birbaşa təsir göstərir.

Mövzu ilə bağlı Oxu24.com -a nevroloq Röyanə Quluzadə cavab verib:

“Çox insan alnında və təpəsində sıxıcı baş ağrıları hiss etdikdə bunu miqrenlə qarışdırır. Amma əksər hallarda bu gərginlik baş ağrısı olur. Gərginlik baş ağrısı adətən bütün başda hiss olunur, ağrı aln və təpə tərəfdə daha sıx nəzərə çarpır. İnsan başını masaj etdikdə ağrı bir qədər yumşalır və sakitləşir,” – deyə Quluzadə bildirib.

Nevroloq əlavə edib ki, gərginlik baş ağrısında ürəkbulanma və qusma kimi əlamətlər adətən müşahidə olunmur, işıq və səs həssaslığı isə yalnız yüngül səviyyədə ola bilər. Əgər bu cür sıxıcı ağrılar ay ərzində 15 gündən çox davam edirsə, deməli, bu xroniki gərginlik baş ağrısıdır.

Həmçinin oxuyun

Pensiyalar 2 ayın artımı ilə birgə bu tarixdə veriləcək

DTX-nin saxladığı şəxslə bağlı yeni XƏBƏR VAR: Əvvəllər hüquq-mühafizə orqanlarında çalışıb

Prezident müşavirə keçirib - FOTOLAR

İlhamə Quliyevanın oğulluğu Orxan niyə yoxa çıxıb?

“Bu ağrılardan azad olmaq üçün müasir müalicə üsullarından istifadə etmək mümkündür. Stressi azaltmaq, meditasiya və relaksasiya texnikaları, depressiyanı aradan qaldırmaq, eləcə də biopunktura və blokada prosedurları vasitəsilə əzələlərə vurulan xüsusi iynələr xroniki ağrıları aradan qaldırır,” – deyə həkim vurğulayıb.

Nigarxanım