İnsulin tənzimlənməsinin pozulmasına nə səbəb olur?

news/2025_06_03/insulinpen_science_gettyimages_1511242327_1748925972.jpg

TİBB

435

03.06.2025, 09:40

Müasir həyat tərzi və qidalanma vərdişlərindəki dəyişikliklər orqanizmdə insulin hormonunun tənzimlənməsində ciddi pozuntulara səbəb olur.

Oxu24.com xəbər verir ki, mütəxəssislər xəbərdarlıq edir ki, bu hal şəkərli diabetin, ürək-damar xəstəliklərinin və piylənmənin əsas səbəblərindən biridir.

İnsulin mədəaltı vəz tərəfindən ifraz olunan və qanda şəkərin səviyyəsini nizamlamaqda əsas rol oynayan bir hormondur. Lakin bu hormonun düzgün tənzimlənməməsi bir çox sağlamlıq probleminin başlanğıcı ola bilər.

Əsas səbəblər bunlardır:

Qeyri-sağlam qidalanma: Karbohidrat və şəkər miqdarı yüksək olan qidaların tez-tez qəbulu.

Piylənmə: Xüsusilə qarın bölgəsində toplanan piylər insulinə qarşı müqavimətin artmasına səbəb olur.

Fiziki aktivliyin azlığı: Hərəkətsizlik insulin həssaslığını azaldır.

Stress və yuxusuzluq: Xroniki stress və az yuxu hormon balansına mənfi təsir göstərir.

Genetik meyllilik: Ailəsində şəkərli diabet olan şəxslər daha yüksək risk altındadır.

Endokrinoloq Dr. Aytac Əliyeva bildirir ki, insanlar çox zaman insulin pozğunluğunun əlamətlərini ciddiyə almırlar. Halbuki bu hal vaxtında aşkarlanarsa, düzgün həyat tərzi və qidalanma ilə nəzarət altına almaq mümkündür.

Bəs hansı əlamətləri var?

Sürətli aclıq hissi, arıqlamaq çətinliyi, xroniki yorğunluq, dəri problemləri (xüsusilə qaralma), yuxu pozuntuları ilkin proqnoz kimi demək olar.

Mütəxəssislər erkən diaqnoz və profilaktik tədbirlərin insulin tənzimlənməsində mühüm rol oynadığını vurğulayır. Əhalinin məlumatlandırılması isə bu istiqamətdə əsas prioritetlərdən biri olmalıdır.

Həmçinin oxuyun