Xolesterinin yüksək olduğunu göstərən 5 əlamət: Bəziləri göz ətrafında, bəziləri isə dəridə üzə çıxır – KARDİOLOQ DANIŞDI
17 Noyabr 2026, 20:12
Qaynar xətt:
(+99450) 247 90 86
TİBB
653
24.05.2025, 14:45
Yeni araşdırma süni şirinləşdirici "sucralose"un (tanınmış adıyla Splenda) kişi sonsuzluğuna təsir edə biləcəyini göstərib.
Milli.Az xəbər verir ki, bu barədə məlumat ABŞ-də çıxan Environmental Health Perspectives jurnalında dərc olunub.
Siçanlar üzərində aparılan təcrübə zamanı sperma keyfiyyətinin azaldığı, hormonal balansın pozulduğu və xayalarda toxuma zədələnməsi müşahidə olunub.
Alimlər qeyd edir ki, istifadə olunan doza real həyatda insanın qəbul edəcəyindən çox olub. Amma bu, məsələni kiçiltmək üçün bəhanə deyil. Süni maddələrin təhlükəsizliyi illərdir müzakirə mövzusudur və bu tip işlər bir daha sübut edir ki, "kalorisiz şirinlik" heç də riskdən azad deyil.
Digər tərəfdən, kişilərdə sonsuzluq artıq qlobal problemə çevrilib. ABŞ-də cütlüklərin 15%-ə qədəri övlad sahibi ola bilmir və bu halların yarısında səbəb kişi faktoru olur. Üstəlik, 1970-ci illərdən bu yana sperma sayının 50%-dən çox azaldığı deyilir. Səbəblər çoxdur: stres, qidalanma, elektromaqnit şüalanma, siqaret, alkoqol və indi də bu tip süni əlavələr.
Yəni, indi "pəhriz saxlayıram, şəkərdən uzağam" deyə sevindiyiniz Splenda, bəlkə də, sizdən gələcək ata olma şansınızı da alır.
Məsələ təkcə şirinləşdirici ilə bağlı deyil. Bu, bizi əhatə edən süni qida əlavələrinin, pəhriz adıyla qəbul etdiyimiz maddələrin orqanizmə təsiri ilə bağlı daha böyük sual doğurur. Əgər bu tədqiqatın nəticələri təsdiqlənsə, sucralose təkcə qidalanma deyil, kişi sağlamlığı üçün də ciddi risk sayılacaq. Ona görə də məsələni "siçanlarda olub" deyib keçmək yox, ehtiyatı əldən verməmək lazımdır. Çünki belə görünür, bəzi şirinlər uzunmüddətli acı nəticələr verə bilər.
15:35 / 18 Noyabr 2026
17
15:32 / 18 Noyabr 2026
29
15:28 / 18 Noyabr 2026
35
15:22 / 18 Noyabr 2026
48
15:16 / 18 Noyabr 2026
79
15:12 / 18 Noyabr 2026
69
15:09 / 18 Noyabr 2026
89
15:05 / 18 Noyabr 2026
208
15:02 / 18 Noyabr 2026
83
14:58 / 18 Noyabr 2026
95
14:52 / 18 Noyabr 2026
83
14:44 / 18 Noyabr 2026
359
14:33 / 18 Noyabr 2026
125
14:22 / 18 Noyabr 2026
93
14:18 / 18 Noyabr 2026
100
14:06 / 18 Noyabr 2026
96
13:56 / 18 Noyabr 2026
99
13:12 / 18 Noyabr 2026
103
12:55 / 18 Noyabr 2026
113
12:53 / 18 Noyabr 2026
156
12:51 / 18 Noyabr 2026
259
12:32 / 18 Noyabr 2026
1123
12:28 / 18 Noyabr 2026
126
© 2026 Oxu24.com Müəllif hüquqları qorunur.