Müğənni Britni Spirsin pərəstişkarları onun köhnə videolarından birində Castin Timberleykdən abort işarəsi tapıblar.

Oxu24.com xəbər verir  ki,bu barədə TMZ məlumat yayıb.

Spirs 2000-ci ildə Timberleykin tələbi ilə hamiləliyini sonlandırmalı olduğunu yeni tərcümeyi-halı "Mənimdəki qadın" əsərində açıqlamışdı.

2003-cü ildə yayımlanan "Everytime" mahnısının videosunda pərəstişkarları diqqət çəkiblər ki, Britni Spirs doğum edən qadının qarşısında oxuyur, bundan sonra qadın yeni doğulmuş uşağı qucaqlayır.

“Və hər yuxumda səni görəndə üzünü görürəm, sən məni təqib edirsən... Deyəsən, sən mənə lazımsan, balam” sətirlərində doğulmamış körpəyə görə təəssüf hissini görürdülər.

“Mahnı heç vaxt Castin haqqında deyildi. Söhbət uşaqdan gedirdi”, – Twitter istifadəçiləri yazır.

Timberleyk hələ 1999-2002-ci illərdə birlikdə olduğu keçmiş sevgilisinin yeni açıqlamalarına münasibət bildirməyib.

Müəllif:Nigar