Zaur koronavirusa yoluxduğu halda, Günay necə efirə çıxır? - FOTO

Ötən gün teleaparıcı Zaur Baxşəliyevin koronavirusa yoluxduğu məlum olub. Bu barədə onun aparıcısı olduğu "Bizimləsən" verilişində də məlumat verilib. Teleaparıcının həyat yoldaşı Günay Baxşəliyeva onun yerinə proqramın aparıcılığını edib.

OXU24.COM xəbər verir ki, manset.az məsələ ilə bağlı araşdırma edib. Ərin koronavurisa yoluxduğu halda, həyat yoldaşınin necə efirə çıxması maraq doğurur. Nazirlər Kabinetinin son qərarına görə karantin müddəti 7 günə endirilib. Ailədə kimsə koronavirusa yoluxursa, o zaman onlarla təmasda olan bütün ailə üzvləri karantinə alınır. Zaur Baxşəliyev koronavirusa tutulduğu halda, onunla bir evdə yaşayan həyat yoldaşı qanunları pozaraq necə efirə çıxır və buna telekanal rəhbərliyi necə icazə verir? Nəzərə alaq ki, studiyadada çəkiliş, yayım personalından başqa, ekspertlər, onlara tamaşaçı da xanım aparıcı ilə təmasda olur. 

Bəs Rəsmi qurumlar bununla bağlı nə deyir?

TƏBİB-in İctimaətlə Əlaqələr şöbəsinin əməkdaşı Elnarə Baxış manset.az-a açıqlamasında hər bir kəsin qanun qarşısında bərabər olduğunu bildirib:

"Nazirlər Kabinetinin qərar və qanunları bütün şəxslər üçün eynidir. Ailədə kimsə koronavirusa yoluxubsa, son dəyişiklərə görə onlarla təmasda olan bütün ailə üzvləri 7 günlük karantinə alınır. TƏBİB koronavirusa yoluxan şəxslərin müalicə proseslərinə nəzarət edir. Kimsə qanun pozubsa, buna başqa qurum nəzarət edir."

Bildirək ki, koronavirusla bağlı qanun pozuntularına Daxili İşlər Nazirliyi nəzarət edir.

Qeyd edək ki, Zaur Baxşəliyevin həyat yoldaşı Günay Baxşəliyeva bu gün də qanunları pozaraq efirə çıxıb. Hazırda "Bizimləsən" verilişinin aparıcılığını edir.