Xəbər verdiyimiz kimi, ötən gün xalq artisti Mübariz Tağıyevin 70 illik yubileyi münasibətilə Heydər Əliyev adına Sarayda konsert təşkil olunub.

Tədbirdə şou-biznesin sevilən simaları səbəbkarın repertuarında olan mahnıları səsləndiriblər.

Gecədə səhnəyə çıxan tanınmışlar sırasanda xalq artisti Aygün Kazımova da olub.

Sevilən ifaçı musiqisi Mübariz Tağıyevə, sözləri Baba Vəziroğluna aid olan “Salam-aleykum” mahnısını ifa etməzdən öncə “Bu aralar şou-biznesdə “salam” vermək problemi var. Bu da lap yerinə düşdü” sözlərini deyib.

Pop diva həmçinin Mübariz Tağıyevin ona çox kömək olduğunu da bildirib:

“Mübariz müəllim, mənə həmişə dəstək olmusuz. Buna görə də sizə minnətdaram. Mən sənətə gələn zamanlarda Dövlət Televiziyasında çox məhdudiyyətlər vardı. Sizin dəstəyiniz başqa idi. İndi də həmin dəstəyi hiss edirəm”.

  
  Oxu24.com