İsrail Hərbi Hava Qüvvələrinə məxsus təyyarələr Suriyanın radar və zenit qurğularına zərbələr endiriblər.

Oxu24.com  xəbər verir ki, bu barədə İsrail Müdafiə Nazirliyi məlumat yayıb.

Bildirilib ki, Suriyadan atılan zenit raketi İsrail hava məkanında partladıqdan sonra İsrail Müdafiə Qüvvələri Suriyadakı zenit qurğularına hücum edib. 

Məlumata görə, Dəməşqə endirilən zərbələr nəticəsində Suriya ordusunun 1 hərbçisi ölüb, daha 5 nəfər isə yaralanıb.

Suriyanın SANA agentliyinə hərbi mənbə bildirib ki, yerli vaxtla saat 12:56 radələrində İsrail Beyrutun cənub-şərq istiqamətindən raketlərlə havadan hücuma keçib. Saat 01:10 radələrində isə İsrail raketlərlə növbəti hücumu həyata keçirib. Hədəf isə Suriyanın Qolan istiqamətindən Dəməşq yaxınlığındakı bəzi nöqtələri olub.

Mənbə əlavə edib ki, Suriyanın hava hücumundan müdafiə qüvvələri İsrailin atdığı raketlərin bəzilərini vurub.

Prezident pensiyalarla bağlı yeni SƏRƏNCAM İMZALADI