Erməni tərəfi Şuşanın İn Taxer və Xtsaberd kəndləri (Çaylaqqala və Xan Tağlar) yaxınlığındakı bir neçə postun şəxsi heyətinin taleyindən narahatdır.

Sfera.az Ermənistanın news.am saytına istinadla xəbər verir ki, ötən axşam Hadrut rayonununİn Taxer və Xtsaberd kəndləri istiqamətindəki bir neçə postun şəxsi heyəti ilə əlaqə kəsilib. Bunu qondarma rejimin təmsilçiləri də təsdiqləyiblər.

"Dünən axşam naməlum şəraitdə Xtsaberd və İn Taxer müdafiəçiləri ilə əlaqə kəsildi. Axtarış işləri bütün gecəni və bu səhər davam etdi. Rusiya sülhməramlılarının vasitəçiliyi ilə sözügedən hərbçilərin əsir düşmə ehtimalı yoxlanılır və bu məlumat təsdiqlənəcəyi təqdirdə, lazımi tədbirlərin həyata keçirilməsinə dair işlər görülür”, - məlumatda bildirilir.

Xatırladaq ki, ötən axşam 100, digər mənbələrə görə isə 160 erməni əsgərinin əsir götürülməsi barədə məlumatlar yayılmağa başlayıb. Bu arada, Ermənistanın rəsmi qurumları vaxtaşırı müxalifəti "yalan şayiələr yaymaqda" günahlandıraraq susmağa üstünlük verir.